Dinamalar

ஒப்பம் ரீமேக்கில் நடிக்கப்போவது அக்சய் குமாரா..? ஆமீர்கானா..?

மோகன்லால் நடித்த படங்கள் மலையாளத்தில் வெளியாகும்போது மற்ற மொழி நடிகர்களும் சரி, இயக்குனர்களும் சரி.. முக்கியமான சில பேர் அதன் மீது தங்களது கவனத்தை திருப்புவது வழக்கம் தான். காரணம் அந்தப்படம் ஹிட்டானால் அதன் ரீமேக்கை கைப்பற்றி விடலாம் என்பதுதான்.. அந்தவகையில் சமீபத்தில் பிரியதர்ஷன் இயக்கத்தில் மோகன்லால் நடித்து வெளியான 'ஒப்பம்' படம் ஹிட்டாகி ஓடிக்கொண்டிருப்பதால் இந்தியை சேர்த்து மற்ற தென்னிந்திய மொழிகளிலும் இதன் ரீமேக் ரைட்ஸுக்காக பேச்சு வார்த்தை நடைபெற்று வருகிறது..

த்ரிஷ்யம் போல அனைவரும் டக்கென ஏற்று நடித்துவிடக்கூடிய ஒரு கேரக்டர் அல்ல, ஒப்பம் படத்தில் மோகன்லால் ஏற்று நடித்துள்ளது.. அதில் பார்வையற்றவராக மிக அருமையான நடிப்பை வெளிப்படுத்தியுள்ளார் மோகன்லால். தமிழில் கமல் நடிப்பார் என சொல்லப்படுகிறது.. அவர் அதை அசால்ட்டாக செய்துவிடுவார் என்று தெரியும்.. ஆனால் இந்தியில் இந்த கேரக்டரை யார் ஏற்று நடித்தாலும் அது சவாலாகவே இருக்கும்.. அந்தவகையில் அக்சய் குமாரும் அமீர்கானும் இந்தப்படத்தை பார்த்துவிட்டு இதன் ரீமேக்கில் நடிக்க ஆர்வமாக இருப்பதாக சொல்லப்படுகிறது..

இயக்குனர் பிரியதர்ஷன் பல வருடங்களாக இந்தியிலும் தனக்கென ஒரு இடத்தை தக்கவைத்துக்கொண்டு இருப்பதால் அவரே இதன் ரீமேக்கை இயக்கலாம் என்றும், மேலும் அக்சய் குமாரை வைத்து ஏற்கனவே அவர் படங்களை இயக்கி உள்ளதால் மீண்டும் அவருடன் கூட்டணி சேர அதிகம் வாய்ப்பு உள்ளதாகவும் சொல்லபடுகிறது. அதேசமயம் ஆமீர்கான் இந்தப்படத்தில் அதிக விருப்பம் காட்டி, நடிக்க முன்வந்தால், இதுவரை அமீருடன் பணிபுரிந்திராத, ஆனால் அப்படி ஒரு வாய்ப்பு கிடைக்காதா என காத்திருக்கும் பிரியதர்ஷன் அமீர்கானைத்தான் டிக் செய்வார் என்றும் சொல்லப்படுகிறது.

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...