Dinamalar

மன்னிப்பு கேட்ட த்ரிஷா

நாயகி படம் தொடர்பாக நான் எந்தவொரு புரொமோஷனிலும் ஈடுபடவில்லை, அதற்கு காரணம் உள்ளது, இருந்தாலும் நான் மன்னிப்பு கேட்டு கொள்கிறேன் என்று கூறியுள்ளார்.

த்ரிஷா நாயகியாக நடிக்க தமிழ், தெலுங்கில் ஒரே சமயத்தில் தயாரானதாகச் சொல்லப்பட்ட படம் நாயகி. கோவர்தன் ரெட்டி இயக்கத்தில் வெளியான இப்படம் பேய் படமாக உருவானது. த்ரிஷாவின் மானேஜர் கிரிதர் தான் தயாரித்தார். படத்தை ஆரம்பிக்கும் போது மிகவும் பரபரப்பாக ஆரம்பித்தார்கள். த்ரிஷாவின் பலவிதமான புகைப்படங்களை வெளியிட்டு ஒரு ஆர்வத்தைத் தூண்டினார்கள். படத்தின் முதல் பார்வை, டீசர் அவற்றைக் கூட அமர்க்களமாக வெளியிட்டார்கள். ஆனால், அவ்வளவு ஆர்வத்தையும், பரபரப்பையும் பட வெளியீட்டின் போது காட்டத் தவறினார்கள். தெலுங்கில் ஜுலை 15ம் தேதி இப்படம் வெளியானது. த்ரிஷா நடித்து வெளிவந்த படங்களிலேயே மிகவும் மோசனமான தோல்வியைத் தழுவியது.

இந்நிலையில், தமிழில் இன்று நாயகி படம் வெளியாகியிருக்கிறது. ஆனால் இந்தப் படம் பற்றிய செய்தியோ, பத்திரிகையாளர் சந்திப்போ எதுவுமே நடைபெறவில்லை. மற்றபடி தன்னுடைய படங்களைப் பற்றி அடிக்கடி ஏதாவது டிவீட் செய்யும் த்ரிஷா, தெலுங்கு வெளியீட்டின் போது எப்படி படத்தைக் கண்டு கொள்ளாமல் இருந்தாரோ அப்படியேதான் தமிழ் வெளியீட்டின் போதும் கண்டு கொள்ளாமல் இருந்தார். இதுப்பற்றி பலரும் த்ரிஷாவிடம் கேட்க, அதற்கு தன் டுவிட்டர் பக்கத்தில் விளக்கத்துடன் மன்னிப்பும் கேட்டுள்ளார்.

இதுகுறித்து த்ரிஷா தன் டுவிட்டர் பக்கத்தில் கூறியிருப்பதாவது... ‛‛நான் ஒரு படத்தை பற்றி பேசாமல், அதை விளம்பரப்படுத்தாமல் இருந்தால் அதற்கு காரணங்கள் இருக்கும். என்னிடம் கேள்விகள் கேட்கும் மீடியா நண்பர்கள் மற்றும் ரசிகர்களிடம் மன்னிப்பு கேட்டுக் கொள்கிறேன். இதுப்பற்றி நானே விரைவில் முறைப்படி விளக்கம் அளிப்பேன் என்று கூறியுள்ளார்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  'மார்க் ஆண்டனி' வெற்றியைத் தக்க வைப்பாரா 'ரத்னம்'?
• 
  'விக்ரம், லியோ, கூலி' - டைட்டில் டீசர் வீடியோ, எது பெஸ்ட்?
• 
  ஆவேசம் படத்துக்கு சமந்தா பாராட்டு
• 
  சிறிய படங்களை நசுக்குகிறதா ரீ-ரிலீஸ் படங்கள்?
• 
  சைக்கிளில் சென்று ஓட்டு போட்டது ஏன் : விஷால்