நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் | ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்! | 'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர் | மோகன்லாலை சந்தித்தது மிகப்பெரிய கவுரவம் : ரிஷப் ஷெட்டி | வேற்றுக்கிரக மனிதரய்யா நீங்கள் : பஹத் பாசிலுக்கு விக்னேஷ் சிவன் புகழாரம் | இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… |
திராவிட, பகுத்தறிவுக் குடும்பத்திலிருந்து நடிக்க வந்துள்ள உதயநிதி ஸ்டாலின் தயாரித்து நடிக்கும் படத்திற்கு 'சரவணன் இருக்க பயமேன்' எனப் பெயர் வைத்துள்ளார். சரவணன் என்பது முருகனின் மற்றுமொரு பெயர். தமிழ்த் திரையுலகில் சமீப காலமாக 'சரவணன்' என்ற பெயர் மிகவும் பாப்புலர் ஆன ஒன்று. 'சந்திரமுகி' படத்தில் பிரபு 'என்ன கொடுமை சரவணன்' என சொல்லி அந்த டயலாக்கை பிரபலப்படுத்தினார். அதன் பின் பிரேம்ஜி அதை அப்படியே நகைச்சுவையாக்கி இன்னும் கொஞ்சம் பிரபலப்படுத்தினார். சரவணன் என்ற கடவுளின் பெயரை சகட்டுமேனிக்கு சங்கடப்படுத்திவிட்டார்கள்.
'யாமிருக்க பயமேன்' என்பது முருகக் கடவுளைக் குறிக்கும் ஒரு வாக்கியமாக இந்து மக்களிடம் இருந்து வருகிறது. ஏற்கெனவே அதை 'யாமிருக்க பயமே' என்று மாற்றி ஒரு பேய்ப் படத்தைக் கொடுத்துவிட்டார்கள். இப்போது 'சரவணன் இருக்க பயமேன்' என பெயரை வைத்து படத்திற்கு பிரபலம் தேடிக் கொள்ள முயற்சித்திருக்கிறார்கள்.
வெறும் படத்தின் பெயரை மட்டும் அப்படி வைக்காமல் கூடவே டிசைனி ஒரு வேலையும் சேர்த்திருக்கிறார்கள். எழில் இயக்கும் இப்படத்தை உதயநிதி ஹீரோவாக நடிப்பதுடன் தனது ரெட் ஜெயன்ட் மூவிஸ் சார்பில் தயாரிக்கவும் உள்ளார். ரெஜினா, சிருஷ்டி, சூரி உள்ளிட்ட பலர் நடிக்கின்றனர். படத்தில் உதயநிதியின் கதாபாத்திரத்தின் பெயர்தான் சரவணன் என்பதை குழந்தை கூட சொல்லிவிடும். எப்படியும் அவரை படத்தில் முருக பக்தராகத்தான் காட்டப் போகிறார்கள். படம் வெளிவரும் போது யாரும் எந்தப் பிரச்சனையும் பண்ணாமல் இருந்தால் அதுவே போதும்.