மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் |
தாணுவின் தயாரிப்பில் அட்லீ இயக்கிய 'தெறி' படத்தின் வெற்றியைத் தொடர்ந்து விஜய் நடிக்கும் அவரது 60 -ஆவது படத்தை பழம்பெரும் படநிறுவனமான விஜயா புரடக்ஷன்ஸ் தயாரித்து வருகிறது. கில்லி உட்பட தரணி இயக்கிய பல படங்களின் வசனகர்த்தாவும், விஜய்யை வைத்து ஏற்கனவே 'அழகிய தமிழ் மகன்' படத்தை இயக்கியவருமான பரதன் விஜய்யின் 60 ஆவது படத்தை இயக்கி வருகிறார்.
பெயர் சூட்டப்படாமலே படப்பிடிப்பைத் தொடங்கப்பட்டது. கடந்த சில மாதங்களாக தொடர் படப்பிடிப்பு நடைபெற்றதால் 75 சதவிகித படப்பிடிப்பு தற்போது நிறைவடைந்துவிட்டது. ஏறக்குறைய இப்படத்தின் படப்பிடிப்பு இறுதி கட்டத்தை எட்டியுள்ள நிலையில் இப்படத்திற்கு 'எங்க வீட்டு பிள்ளை', 'உங்க வீட்டு பிள்ளை' என்று தலைப்பு வைக்க இருப்பதாக பலவகையான யூகங்கள் அடிபட்டன.
இந்நிலையில் சில தினங்களுக்கு முன் யாருமே யூகிக்காத 'பைரவா' என்ற தலைப்பை அறிவித்தனர். விஜய் படத்தின் தலைப்புடன் கூடிய ஃபர்ஸ்ட் லுக் வெளியானதும் ட்விட்டரில் டிரெண்ட் ஆகும் அளவுக்கு பரபரப்பானது. அதனால் விஜய் ரசிகர்கள் வழக்கம்போல் மகிழ்ச்சியில் திளைக்க ஆரம்பித்தனர். வழக்கம்போல் அஜித் ரசிகர்கள் பைரவா தலைப்பை வைத்து விஜய் ரசிகர்களை வெறுப்பேற்றி வந்தனர்.
ரசிகர்களின் ஆக்ஷன்... ரியாக்ஷன் இப்படி இருக்க, படத்துறையில் நடப்பதோ வேறு. பைரவா என்ற பெயர் தமிழ்ச் சொல் இல்லை, இது வடமொழிச் சொல். எனவே பைரவா படத்துக்கு வரிவிலக்குக் கிடைக்காது என்று சொல்ல ஆரம்பித்துள்ளனர். விஜய் தரப்போ, ரெமோ தமிழ் வார்த்தையா? அந்தப் படத்துக்கு வரிவிலக்குக் கொடுத்தால் பைரவாவுக்கும் வரிவிலக்கு கொடுத்தே ஆக வேண்டும் என்று பதிலடி கொடுக்க ஆரம்பித்துள்ளனர்.