Dinamalar

பிரியதர்ஷனையும் வம்பிழுக்கும் ராம்கோபால் வர்மா..!

தேவையில்லாமல் எதையாவது பேசி, வம்பை விலைகொடுத்து வாங்குவதில் சர்ச்சை நாயகன் இயக்குனர் ராம்கோபால் வர்மாவை மிஞ்ச ஆளில்லை. முன் தெலுங்கு மெகாஸ்டார் சிரஞ்சீவியின் 15௦வது படத்தை சிரஞ்சீவியே இயக்கினால், அது நிச்சயம் அவரது முந்தைய கண்டுபிடிப்பான பிரஜா ராஜ்ஜியம் கட்சியை விட மோசமாக இருந்துவிடாது என்று நம்பலாம்” என அவரை மோசமாக விமர்சித்தார். அடுத்ததாக 'ஓ காதல் கண்மணி' படத்தில் நடித்த துல்கர் சல்மானின் நடிப்பை புகழ்கிறேன் என அவரைத் தந்தை மம்முட்டியை விமர்சித்தார்.

சமீபத்தில் கூட 'கபாலி' படத்தில் ரஜினியை பற்றி அட்டாக் செய்து ரசிகர்களிடம் வாங்கி கட்டிக்கொண்டார். ஆசிரியர் தினத்தன்று ஆசிரியர்கள் பற்றி விமர்சித்து வம்பில் சிக்கியிருக்கிறார். அடுத்தப்படியாக இப்போது, மலையாள இயக்குனர் பிரியதர்ஷனை வம்புக்கு இழுத்துள்ளார்... திடீரென பிரியதர்ஷனை வம்பிழுக்க காரணம் என்ன..? மோகன்லால் நடிப்பில் பிரியதர்ஷன் இயக்கியுள்ள 'ஒப்பம்' படம் வரும் ஓணம் பண்டிகை ரிலீஸாக நாளை மறுநாள் வெளியாக இருக்கிறது.. இந்தப்படத்தின் ட்ரெய்லரை பார்த்துவிட்டு, ட்ரெய்லர் நன்றாக இருக்கிறது.. குறிப்பாக ஹாலிவுட்டில் உருவான 'டேக்கன்' படத்தை விட இது நன்றாக இருக்கிறது என குறிப்பிட்டுள்ளார்..

பாராட்டித்தானே இருக்கிறார்.. இதில் வம்புக்கு எங்கே இடம் இருக்கிறது என நீங்கள் நினைக்கலாம். ராம்கோபால் வர்மாவை பொறுத்தவரை இந்தப்படம் ஹாலிவுட்டில் வெளியான 'டேக்கன்' படத்தின் தழுவல் என கருதுகிறார்.. ஆனால் இயக்குனர் பிரியதர்ஷனோ இது தான் சொந்தமாக உருவாக்கிய கதை என்றும் எந்தப்படத்தின் தழுவலும் இல்லை என எப்போதோ கூறிவிட்டார். அப்படி சொன்னவரை பார்த்து இந்தப்படம் தழுவல் என்றால் பின்னே வம்பில்லாமல் என்னவாம்..?

இன்னொரு ரகசியம் தெரியுமா..? மூன்று வருடங்களுக்கு மும் மேஜர் ரவி இயக்கத்தில் மோகன்லால் நடிப்பில் வெளியான 'கர்மயோதா' படம் 'டேக்கன்' படத்தை தழுவித்தான் எடுக்கப்பட்டிருந்தது.. இப்போதுவரை ராம்கோபால் வர்மாவுக்கு இந்த விஷயம் தெரியாதா என கிண்டலடிக்கிறார்கள் சில மலையாள இயக்குனர்கள்.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் ...
• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...
• 
  பழம்பெரும் மலையாள இசை அமைப்பாளர் கே.ஜி.ஜெயன் காலமானார்