ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
"இயக்குனர்கள், தயாரிப்பாளர்களை காப்பாற்ற படம் இயக்க வேண்டாம். தங்களை காப்பாற்றிக் கொள்ள நல்ல படம் எடுத்தால் போதும்" என்று இயக்குனர் கே.பாக்யராஜ் கூறினார்.
தியா என்ற புதுமுகம் இயக்கி நடித்துள்ள படம் கன்னா பின்னா. அஞ்சலிராவ் ஹீரோயினாக நடித்துள்ளார். வில்சே இசை அமைத்துள்ளார், ஆர்.நாகராஜன் ஒளிப்பதிவு செய்துள்ளார். இதன் பாடல் வெளியீட்டு விழா நடந்தது. தயாரிப்பாளர் சங்கத் தலைவர் தாணு வெளியிட இயக்குனர் கே.பாக்யராஜ் பெற்றுக் கொண்டார்.
பின்னர் விழாவில் கே.பாக்யராஜ் பேசியதாவது: தமிழ் சினிமாவுக்கு திருட்டு விசிடி பெரும் பிரச்னையாக இருப்பதாக கூறுகிறார்கள். திருட்டு விசிடி தயாரிப்பவர்களையும், விற்பவர்களையும் ஒன்றும் செய்ய முடியாது. ஆனால் மக்கள் ரசிக்கும்படியான படத்தை எடுத்தால் மக்கள் தியேட்டருக்கு வந்து படம் பார்ப்பார்கள் என்பதை சமீபத்தில் வெற்றி பெற்ற சில சிறிய படங்கள் நிரூபித்துள்ளன. சமீபத்தில் வெளியான ஜோக்கர் படத்துக்கு நல்ல மவுத் டாக் கிடைத்து, இப்போது மக்கள் ஜோக்கரை பார்க்க தியேட்டருக்கு சென்று கொண்டிருக்கிறார்கள். நல்ல படம் எடுத்தால் திருட்டு விசிடிக்களால் எதுவும் செய்ய முடியாது.
புதிய இயக்குனர்களுக்கு ஒன்று சொல்லிக் கொள்கிறேன். தயவு செய்து தயாரிப்பாளர்களை காப்பாற்ற வேண்டும் என்ற படம் இயக்காதீர்கள். ஒரு படத்தில் அவர்கள் நஷ்டம் அடைந்தால் அடுத்த படத்தில் அவர்கள் லாபம் சம்பாதித்துக் கொள்வார்கள். அதனால் உங்களை காப்பாற்றிக் கொள்ளும் விதமாக நல்ல படத்தை எடுங்கள். அது உங்களையும் காப்பாற்றும், தயாரிப்பாளர்களையும் காப்பாற்றும் என்றார்.