Dinamalar

பாகுபலி உயிருடன் இருக்கலாம் - புதிய தகவல்

ராஜமௌலி இயக்கத்தில் பிரபாஸ், ராணா டகுபட்டி, அனுஷ்கா, தமன்னா, சத்யராஜ் மற்றும் பலர் நடிப்பில் 'பாகுபலி' படத்தின் இரண்டாம் பாகத்திற்கான படப்பிடிப்பு ஐதராபாத்தில் தொடர்ந்து நடைபெற்று வருகிறது. இந்தப் படத்தின் கிளைமாக்ஸ் படப்பிடிப்பு கடந்த இரண்டு வாரங்களாக நடந்து வருகிறது. இதற்காக 4 விதமான கிளைமாக்ஸை ராஜமௌலி படமாக்கியுள்ளார் என டோலிவுட் வட்டாரத் தகவல்கள் தெரிவிக்கின்றன.

முதல் பாகத்தின் முடிவில் 'பாகுபலியை கட்டப்பா ஏன் கொன்றார் ?' என்ற கேள்வியுடன் படம் முடிந்தது. இரண்டாம் பாகத்தில் அதற்கான காரணம் என்ன என்பதைச் சொல்லியாக வேண்டும். முதல் பாகம் முடிந்த போது கூட அதற்கான காரணம் என்ன என்பது இயக்குனர் ராஜமௌலிக்குத் தெரியாதாம்.

சமீபத்திய பேட்டி ஒன்றில் படத்தின் கதை ஆசிரியரான விஜயயேந்திர பிரசாத், “அனைவருக்கும் கட்டப்பா பாகுபலியைக் குத்தினார் என்பது தெரியும். அதே சமயம் பாகுபலி உயிருடன் இருந்தாலும் இருக்கலாம்,” எனக் கூறியிருந்தார். அதனால் இரண்டாம் பாகத்தில் பாகுபலி உயிருடன் இருந்தாலும் இருக்கலாம் என்றும் தகவல்கள் வெளியாகியுள்ளது.

இரண்டாம் பாகத்தின் படப்பிடிப்பு மொத்தமாக முடிவடைந்ததும் எந்த கிளைமாக்ஸ் கதைக்கு மிகப் பொருத்தமாக இருக்கிறதோ அதை படத்தில் சேர்க்கலாம் என ராஜமௌலி முடிவெடுத்திருக்கிறாராம்.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  ‛கில்லி' ரீ-ரிலீஸ் : த்ரிஷா நெகிழ்ச்சி
• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி