இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
வெண்ணிலா கபடிக்குழு படத்தில் இருந்து நீர்ப்பறவை வரை விஷ்ணுவின் மார்க்கெட் சொல்லிக்கொள்ளும்படியாக இல்லை. ஆனால் முண்டாசுப்பட்டி படத்தின் வெற்றிக்குப்பிறகு அதுவரை விஷ்ணுவை கண்டுகொள்ளாமல் இருந்த இயக்குனர்கள்கூட அவர் பக்கம் லேசாக திரும்பிப்பார்க்கத் தொடங்கினர். அதையடுத்து ஜீவா, இன்று நேற்று நாளை படங்களும் சுமாரான வெற்றி பெற்ற நிலையில், எழில் இயக்கத்தில் விஷ்ணு நடித்த வேலைன்னு வந்துட்டா வெள்ளைக்காரன் அவருக்கு பெரிய ஹிட் படமாக அமைந்தது. குறிப்பாக, 4 கோடியில் தயாரான அந்த படம் 19 கோடி வரை வசூல் செய்தது.
அதனால், அந்த படத்திலிருந்து விஷ்ணுவின் மார்க்கெட் சூடுபிடிக்கத் தொடங்கியது. அதையடுத்து, தன்னை அறிமுகம் செய்த சுசீந்திரன் இயக்கத்தில் மாவீரன் கிட்டு என்ற படத்தை தயாரித்து நாயகனாக நடித்து வருகிறார் விஷ்ணு. இந்த படம் முதன்முறையாக அவரது நடிப்பில் அதிக பட்ஜெட்டில் அதாவது 20 கோடி ரூபாய் மெகா பட்ஜெட்டில் தயாராகி வருகிறது. சரித்திர பின்னணி கொண்ட இந்த படத்தில் பார்த்திபனும் முக்கிய வேடத்தில் நடிப்பதோடு, சூரியும் பிரதான காமெடியனாக நடிக்கிறார். இதைத் தொடர்ந்து தன்னிடம் கதை சொல்ல வரும் டைரக்டர்களிடம், தனது மார்க்கெட் எகிறி விட்டதை முன்வைத்து, மெகா பட்ஜெட் கதைகளாக கேட்டுவருகிறார் விஷ்ணு.