டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
விமல் நடித்த 'மஞ்சபை' படத்தை இயக்கியவர் ராகவன். இவரது இயக்கத்தில் 'கடம்பன்' என்ற படத்தில் நடித்து வருகிறார் ஆர்யா. இந்தப் படத்தை, அடுத்து மம்முட்டி கதாநாயகனாக நடிக்கும் 'கிரேட் ஃபாதர்' என்ற மலையாளப் படத்தில் வில்லனாக நடிக்கிறார் ஆர்யா. கேரளத்தைச் சேர்ந்த மலையாளத்தை தாய்மொழியாகக் கொண்ட ஆர்யா, ஏற்கெனவே 'உருமி', 'டபுள் பேரல்' ஆகிய மலையாள படங்களில் சிறிய வேடங்களில் நடித்துள்ளார். அந்தப் படங்களைத் தொடர்ந்து ஆர்யா நடிக்கும் மலையாளப்படம்தான் 'கிரேட் ஃபாதர்'.
ஃபேமிலி டிராமாவாக உருவாக இருக்கும் இந்தப் படத்தில் படம் முழுக்க வரும் பவர்ஃபுல் வில்லனாக நடிக்கிறாராம். அறிமுக இயக்குனர் ஹனீஃப் அடேனி இயக்கும் இந்தப்படத்தில் மற்றுமொரு கோலிவுட் நட்சத்திரமும் ஒரு சிறிய இடைவெளிக்கு பிறகு நடிக்கிறார். அவர் நடிகை சினேகா! ஏற்கெனவே இரண்டு மலையாள படங்களில் மம்முட்டியுடன் இணைந்து நடித்துள்ளார். அந்தப் படங்களில் சினேகாவின் நடிப்பு பாராட்டப்பட்டது.
அதன்அடிப்படையில்தான் 'கிரேட் ஃபாதர்' படத்தில் மம்முட்டிக்கு ஜோடியாகி இருக்கிறார்! திருமணத்திற்கு பிறகு நடிப்புக்கு முழுக்கு போட்டிருந்த சினேகா இப்படத்தின் மூலம் மீண்டும் சினிமாவில் என்ட்ரியாகிறர். இப்படத்தின் படப்பிடிப்பு விரைவில் ஆரம்பமாகவுள்ளது! இப்படம் வெற்றி பெறும் பட்சத்தில் தொடர்ந்து அவர் படங்களில் நடிக்க முடிவு செய்திருக்கிறார். சினேகாவிற்கு இந்த ரீ-என்ட்ரி கை கொடுக்குமா...? பொறுத்திருந்து பார்ப்போம்!