Dinamalar

எங்கள் தலைமுறையின் ‛நடிகர் திலகம்' - கமலுக்கு ரஜினி வாழ்த்து

நடிகர் கமல்ஹாசனுக்கு செவாலியே விருது அறிவிக்கப்பட்டுள்ளதை தொடர்ந்து பலரும் கமலை வாழ்த்தி வரும் வேளையில் கமலின் நண்பரும், சூப்பர் ஸ்டாருமான நடிகர் ரஜினிகாந்த்தும் டுவிட்டரில் கமலுக்கு வாழ்த்து தெரிவித்துள்ளார்.

சினிமாவில் 50 ஆண்டுகளுக்கு மேலாக நடித்து வருபவர் நடிகர் கமல்ஹாசன். களத்தூர் கண்ணம்மாவில் குழந்தை நட்சத்திரமாக நடித்து யார் இந்த குழந்தை என்று அனைவரையும் ஆச்சர்யத்தில் ஆழ்த்தியவர். அதே ஆச்சர்யங்களுடன் 60 வயதை கடந்து இன்றும் 16-ஆக இன்றைய இளையதலைமுறையினர் உடன் சமமாக பயணிப்பவர் கமல்ஹாசன். சினிமாவின் சகலகலா வித்தகரான கமலுக்கு பல பட்டங்கள், அங்கீகாரங்கள், கவுரவங்கள் கிடைத்துள்ள போதிலும் தற்போது பிரான்ஸ் நாட்டின் செவாலியே விருது அறிவிக்கப்பட்டுள்ளது கமலை இன்னும் மேலே உயர்த்தியுள்ளது. நடிகர் திலகம் சிவாஜி கணேசனுக்கு பிறகு அந்த விருதை பெறும் இரண்டாவது நடிகர் கமல் ஆவார்.

கமலுக்கு இந்த விருது அறிவிக்கப்பட்டதிலிருந்து திரையுலகை சேர்ந்தவர்களும், ரசிகர்களும், அரசியல் கட்சியினரும் கமலை வாழ்த்தி வருகின்றனர். அதிலும் சமூக வலைதளமான டுவிட்டரில் லட்சக்கணக்கானபேர் அவரை வாழ்த்தி வருகின்றனர். நடிகர் ரஜினிகாந்த்தும் தன் நண்பர் கமலுக்கு டுவிட்டர் வாழ்த்து தெரிவத்துள்ளார்.

ரஜினி விடுத்துள்ள டுவிட்டர் வாழ்த்து செய்தியில், ‛‛எங்கள் தலைமுறையின் நடிகர் திலகம் செவாலியர் அருமை நண்பர் கமல்ஹாசன் அவர்களுக்கு என்னுடைய மனமார்ந்த பாராட்டுக்கள்'' என்று கூறியுள்ளார்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்