Dinamalar

பிச்சைக்காரன் இந்தி ரீமேக்கை இயக்குவது யார்?

விஜய் ஆண்டனியின் கேரியரில் பிச்சைக்காரன் முக்கியமான படமாகியிருக்கிறது. அவரை டிஷ்யூம் படத்தில் இசையமைப்பாளராக அறிமுகம் செய்த இயக்குனர் சசியே அந்த படத்தையும் இயக்கியிருந்தார். அதோடு பரத் நடித்த 555 படத்தை இயக்கி தோல்வி கண்டதால் அடுத்து ஒரு ஹிட் படம் கொடுத்தே ஆக வேண்டும் என்கிற கட்டாயத்தில் இருந்து வந்த சசிக்கு, விஜய் ஆண்டனியை வைத்து இயக்கிய பிச்சைக்காரன் படம் சூப்பர் ஹிட்டாகி இப்போது அவருக்கு மீண்டும் புதிய படங்களை பெற்றுக்கொடுத்திருக்கிறது.

மேலும், பிச்சைக்காரன் படத்தை தெலுங்கில் டப் செய்து வெளியிட்டபோது தமிழை போன்று அங்கும் சூப்பர் ஹிட்டாக ஓடி வசூல் சாதனை புரிந்து விட்டது. இதனால் அடுத்தபடியாக விஜய் ஆண்டனி நடித்து வரும் சைத்தான், எமன் படங்கள் தமிழ், தெலுங்கு என இரண்டு மொழிகளிலும் தயாராகி வருகிறது. இந்தநேரத்தில், பிச்சைக்காரன் படத்தை இந்தியில் ரீமேக் செய்யும் வேலைகளும் நடக்கிறது. இன்னும் பத்து நாள் படப்பிடிப்பு நடந்தால் எமன் படம் முடிந்து விடும் நிலையில் உள்ளதால், அடுத்தபடியாக இந்தி பிச்சைக்காரனில் இறங்குகிறாராம் விஜய் ஆண்டனி.

ஆனால், இந்த படத்தை தமிழில் இயக்கிய சசியே இயக்குவாரா? இல்லை வேறு இந்தி இயக்குனர் இயக்குவாரா? இல்லை விஜய் ஆண்டனியே இயக்குனர் அவதாரம் எடுப்பாரா? என்பது போன்ற கேள்விகள் எழுந்துள்ளன. இதுபற்றி விஜய் ஆண்டனி தரப்பில் விசாரித்தால், சசிதான் இயக்குவார் என்று சொல்ல மறுக்கிறார்கள். அதேசமயம், அந்த படத்தை இயக்குவது யார் என்பது விரைவில் தெரியும் என்று சஸ்பென்ஸ் வைக்கிறார்கள்.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...