டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
அதிர்வலைகளை ஏற்படுத்திய பச்சை என்கிற காத்து படத்தை இயக்கிய கீரா நீண்ட இடைவெளிக்குப் பிறகு இயக்கி உள்ள படம் மெர்லின். இதில் விஷ்ணுப்ரியன் ஹீரோ, கன்னடத்தில் வளர்ந்து வரும் நடிகை அஸ்வினி நடித்துள்ளனர். இவர்கள் தவிர ஆடுகளம் முருகதாஸ், லொள்ளுசபா ஜீவா, சிங்கம்புலி நடித்துள்ளனர். கணேஷ் ராகவேந்திரா இசை அமைத்துள்ளார், முத்துக்குமரன் ஒளிப்பதிவு செய்துள்ளார். இது 3 காலட்டங்களில் நடக்கும் கதை என்கிறார் கீரா.
அவர் மேலும் கூறியதாவது: 1965, 2004, 2016 ஆகிய மூன்று காலகட்டங்களில் நடக்கும் கதை. இந்த மூன்று காலகட்டங்களிலும் ஹீரோவும், ஹீரோயினும் டிராவல் ஆகிறார்கள். ஒவ்வொரு மனிதனுக்கும் தாம்பத்திய உறவு அந்தந்த வயதில் நடந்து விட வேண்டும். இல்லாவிட்டால் அதுவே மனரீதியான பிரச்சினையை உண்டு பண்ணிவிடும் என்பதுதான் படம் சொல்ல வருகிற சேதி.
35 வயதை தாண்டியும் சினிமாவில் உதவி இயக்குனராக இருக்கும் ஹீரோவுக்கு ஒரு பெரிய ஹீரோ திடீர் வாய்ப்பு தருகிறார். 15 நாட்களுக்குள் கதை வேண்டும் என்கிறார் இதனால் தான் தங்கியிருக்கும் வீட்டை பூட்டிக்கொண்டு கதை எழுதுகிறார். நண்பர்கள் டார்ச்சர் செய்வார்கள் என்பதால் அந்த வீட்டிற்குள் பேய் இருப்பதாக பொய் கதைகள் சொல்லுவார். ஒரு கட்டத்தில் அவர் சொன்னா பேய் கதை உண்மையாக மாறும். அதன் பிறகு என்ன நடக்கிறது என்பது மீதி கதை.
இதில் அட்டகத்தி தினேஷ் நட்புக்காக அந்த நடிகராகவே நடித்துள்ளார். இது பேய் படம் அல்ல. சைக்கலாஜிக்கல் திரில்லர் படம். பேய் இருக்கிறது என்ற முடிவையும், இல்லை என்ற முடிவையும் கிளைமாக்சில் வைத்துள்ளேன். இருக்கா இல்லையா என்பதை பார்வையாளர்கள் தீர்வுக்கே விட்டுவிடுகிறேன். என்கிறார் கீரா.