ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
'அஞ்சான்' படம் கொடுத்த மாபெரும் அடியிலிருந்து இயக்குனர் லிங்குசாமி இன்னும் எழாமலே இருக்கிறார். இயக்குனராக ஒரு பக்கம் 'அஞ்சான்' அடியைத் தாங்கிக் கொண்டு இன்னொரு பக்கம் தயாரிப்பாளராக 'உத்தம வில்லன்' படத்தின் உள்குத்தையும் தாங்கிக் கொண்டிருக்கிறார். இந்த இரண்டு படங்களும் தந்த நஷ்டத்தால் அவரது தயாரிப்பில் இருந்த படங்கள் அப்படியே நின்றுவிட்டன. விஜய் சேதுபதி நடித்து முடிந்து போன 'இடம் பொருள் ஏவல்' படத்தை இரண்டு வருடங்களாக வெளியிடாமல் வைத்திருக்கிறார்கள். நல்ல வேளை 'ரஜினி முருகன்' படம் மட்டும் எப்படியோ தப்பித்துவிட்டது. அவர்கள் தயாரிப்பில் இருந்த மற்ற படங்கள் அப்படியே கிடப்பில் போடப்பட்டுவிட்டன.
தயாரிப்பாளராகத் துவண்டாலும் இயக்குனராக எழுந்து நிற்கலாம் என தெலுங்கில் அல்லு அர்ஜுன் நடிக்கும் படத்தை தமிழ், தெலுங்கில் இயக்கும் வாய்ப்பு லிங்குசாமிக்கு வந்தது. ஆனால், என்ன நடந்ததோ அதிலிருந்தும் கழட்டிவிடப்பட்டார் லிங்குசாமி. இவரின் இந்தத் தெலுங்கு பக்கத் தாவலால் 'சண்டக் கோழி 2' படத்தை ஆரம்பிக்கலாம் என இருந்த விஷாலும், லிங்குவிற்கு எதிராக பேசிவிட்டு படத்தையே 'டிராப்' செய்துவிட்டார். வேறு வழியில்லாமல் மீண்டும் விஷாலிடம் தஞ்சமடைந்தார் லிங்குசாமி. பெரிய மனதுடன் 'சண்டக் கோழி 2' படத்தை மீண்டும் ஆரம்பிக்க சம்மதித்தார் விஷால். இருந்தாலும் படம் தற்போது மீண்டும் ஆரம்பமாகுமா என்ற சந்தேகத்தைக் கிளப்பியுள்ளது.
விஷால் தற்போது நடித்து வரும் 'கத்திச் சண்டை' படத்திற்குப் பிறகு மிஷ்கின் இயக்கத்தில் 'துப்பறிவாளன்' படத்தில் நடிக்க உள்ளார். இந்தப் படத்தை முடித்ததும் கே.எஸ்.ரவிக்குமார் இயக்கத்தில் நடிக்க அவர் பேச்சு வார்த்தை நடத்தி வருகிறார் என்கிறார்கள். அப்படியென்றால் 'சண்டக் கோழி 2' என்ன ஆயிற்று என்றுதானே கேட்கிறீர்கள்...வழக்கம் போலவே படத்தை மீண்டும் தள்ளி வைக்கும் முனைப்புடன் இருக்கிறாராம் விஷால்.