இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
ராஜுமுருகன் இயக்கத்தில் 'ஜோக்கர்' படத்தை தயாரித்த ட்ரீம் வாரியர் பிக்சர்ஸ் சற்று பயத்துடன்தான் அந்தப் படத்தை வெளியிட்டனர். இந்தப் படம் பெரிதாக ஓடாது என்ற நினைப்பில் பப்ளிசிட்டி விஷயத்தில் கூட அடக்கியே வாசித்தனர். ஆனால் அவர்களின் எண்ணத்துக்கு மாறாக, லாபத்தைக் கொட்டக்கூடிய வசூலையும், மிகச்சிறந்த பெயரையும் சம்பாதித்துக் கொடுத்திருக்கிறது ஜோக்கர்.
ஜோக்கர் வெற்றியடைந்த உற்சாகத்தில் அடுத்த தயாரிப்பான 'காஷ்மோரா' படத்தை வெளியிடும் திட்டத்தை வகுக்க ஆரம்பித்தவிட்டனராம். கோகுல் இயக்கத்தில் கார்த்தி, நயன்தாரா, ஸ்ரீதிவ்யா, விவேக் ஆகியோர் நடிக்கும் இந்தப் படத்தை வரும் தீபாவளியன்று வெளியிட திட்டமிட்டுள்ளனர்.
இப்படம் கிட்டத்தட்ட 20 கோடி ரூபாய் பட்ஜெட்டில் உருவாகி வருகிறதாம். ஒட்டுமொத்த படப்பிடிப்பு வேலைகளும் முடிவடைந்து தற்போது படத்தின் கிராபிக்ஸ் வேலைகள் உள்ளிட்ட போஸ்ட் புரொடக்ஷன் பணிகள் துரிதமாக நடைபெற்று வருகின்றன. கிராபிக்ஸ் பணிக்கு மட்டுமே 5 கோடி செலவு செய்துள்ளதாக சொல்லப்படுகிறது.
இந்நிலையில், காஷ்மோரா படத்தின் ஃபர்ஸ்ட் லுக் போஸ்டரை நாளை நள்ளிரவு... அதாவது 18ஆம் தேதி அதிகாலை 00.01 மணிக்கு வெளியிடவிருக்கின்றனர். இந்த தகவலை நடிகர் கார்த்தியும் மற்றும் ட்ரீம் வாரியர் பிக்சர்ஸ் நிறுவனத்தின் தயாரிப்பாளர்களில் ஒருவரான எஸ்.ஆர்.பிரபுவும் அறிவித்துள்ளனர். இதன்பிறகு, விரைவில் டீஸர் மற்றும் பாடல்களை வெளியிட உள்ளனர்.