‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் | ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ? | சொத்து மதிப்பை வெளியிட்ட பவன் கல்யாண் | மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு |
பிரிக்க முடியாதது எது என கேட்டால் மலையாள நடிகைகளும், விவாகரத்தும் என்று லேட்டஸ்ட்டாக பதில் சொல்லும் அளவுக்கு வருடத்திற்கு ஒருவராவது விவாகரத்து கேட்டு நீதிமன்ற படிக்கட்டுக்களில் ஏறுவது வழக்கமான ஒன்றாகி விட்டது. கடந்த ஒரு மாத காலமாக நடிகை அமலாபால் - விஜய் திருமண முறிவு செய்தி மீடியாவுக்கு பரபரப்பான தீனி போட்டது. அது சற்றே ஓய்ந்துள்ள வேளையில், அடுத்ததாக இன்னொரு மலையாள நடிகையான திவ்யா உன்னியும் தனது கணவரிடமிருந்து விவாகரத்து கோர இருக்கிறார் என்கிற பகீர் தகவல் வெளியாகி உள்ளது.
பத்து வருடங்களுக்கு முன்பு தமிழில் சில படங்களில் நடித்த மலையாள நடிகை திவ்யா உன்னியை ஞாபகம் இருக்கிறது தானே..? கார்த்திக்குடன் கண்ணன் வருவான், அர்ஜீனின் வேதம், பார்த்திபனுடன் சபாஷ் ஆகிய படங்களில் நடித்த திவ்யா உன்னி மலையாளத்தில் முன்னணியில் இருக்கும் சமயத்திலேயே அமெரிக்காவை சேர்ந்த டாக்டர் சுதீர் என்பவரை கடந்த 2002-ல் திருமணம் செய்து கொண்டு அமெரிக்காவிலேயே செட்டில் ஆனார். இவர்களுக்கு அர்ஜூன், மீனாட்சி என இரண்டு குழந்தைகள் உண்டு. திருமணத்திற்கு பின் நடிப்பில் ஆர்வம் காட்டாத திவ்யா உன்னி இரண்டு வருடங்களுக்கு முன்பு முஷாபர் என்கிற படத்தில் மட்டும் கெஸ்ட் ரோலில் நடித்தார்.
இந்த நிலையில் தான், சமீபத்தில் ஒரு மலையாள பத்திரிகை ஒன்றில் மனம் திறந்து பேசிய திவ்யா உன்னி தனது திருமண வாழ்க்கை ஒரு பயங்கரமான நிகழ்வு என்பது போலவும், அதிலிருந்து கூடிய விரைவில் வெளியேறப் போவதாகவும் கூறி ரசிகர்களுக்கு அதிர்ச்சியை ஏற்படுத்தினார். அதே நேரம், மலையாள சினிமாவில் மம்தா மோகன்தாஸ், காவ்யா மாதவன், மஞ்சு வாரியார் என விவாகரத்து பெற்ற நடிகைகளின் பாணியில் தொடர்ந்து தனது இரண்டாவது இன்னிங்சை ஆரம்பிக்கவும் திட்டமிட்டு உள்ளாராம் திவ்யா உன்னி.