Dinamalar

அப்பா மகன் உறவைச் சொல்லும் திரி

தற்போது தெலுங்கில் பிசியாக நடித்துக் கொண்டிருக்கும் அஸ்வினும், சுப்பிரமணியபுரம் ஸ்வாதியும் தமிழில் இணைந்து நடிக்கும் படம் திரி. புதுமுக இயக்குனர் அசோக் அமிர்தராஜ் இயக்குகிறார். ஜெயபிரகாஷ், அனுபமா குமார், செண்ட்ராயன், டேனியல் ஆகியோர் முக்கிய கேரக்டரில் நடிக்கிறார்கள். சூப்பர் சிங்கர் புகழ் அஜீஸ் இசை அமைக்கிறார், சதுரங்க வேட்டை ஒளிப்பதிவாளர் கே.ஜி.வெங்கடேஷ் ஒளிப்பதிவு செய்கிறார்.

இது தந்தை மகன் உறவின் உன்னதத்தை சொல்லும் படம் என்கிறார் இயக்குனர் அசோக் அமிர்தராஜ். அவர் மேலும் கூறியதாவது: தமிழ் சினிமாவில் தந்தை - மகன் உறவை மையமாக வைத்து வந்த படங்கள் குறைவு என்றாலும், அவை யாவும் தமிழக ரசிகர்களின் உள்ளங்களில் ஆழமாக பதிந்த திரைப்படங்கள் ஆகும். தற்போது அந்த வரிசையில் தயாராகியுள்ள படம் திரி.

நாம் எவ்வளவு தான் வாழ்க்கையில் வெற்றிகளை குவித்தாலும், நம்முடைய தாய் - தந்தை அதை பார்க்க இல்லையென்றால் அந்த வெற்றிகள் யாவும் முழுமை பெறாது. நாம் ஒவ்வொருவரும் நம் நிஜ வாழ்க்கையில் சந்தித்த, சந்தித்து கொண்டிருக்கும், சந்திக்க போகும் முக்கியமான பிரச்சனையை அணுகியிருக்கும் படம், பெரும்பாலான காட்சிகளை இயற்கையான சூழ்நிலைகளில் தான் படமாக்கி இருக்கிறோம். கிளைமாக்ஸ் காட்சி நிச்சயம் எல்லா ரசிகர்களையும் வியப்படைய செய்யும்" என்கிறார் இயக்குனர் அசோக் அமிர்தராஜ்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்