இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
சூப்பர் ஸ்டார் ரஜினி நடிப்பில் 1984ம் ஆண்டு வெளிவந்த படம் நான் மகான் அல்ல. ரஜினியுடன் ராதா, நம்பியார், வி.கே.ராமசாமி, சோ, சத்யராஜ் உள்பட பலர் நடித்திருந்தார்கள். இளையராஜா இசை அமைத்திருந்தார், பாபு ஒளிப்பதிவு செய்திருந்தார். கே.பாலச்சந்தரின் கவிதாலயா நிறுவனம் தயாரித்தது, எஸ்.பி.முத்துராமன் இயக்கி இருந்தார்.
தவறு செய்யும் சமூக விரோதிகளை ரஜினி காந்தி வழியில் புத்திமதி சொல்லித் திருத்த முயற்சிப்பார். ஆனால் அவரால் முடியாது, அதனால் ஆயுதத்தை கையில் எடுத்து எதிரிகளை அழிப்பார். இந்தப் படத்திற்கு நான் காந்தி அல்ல என்று பெயர் வைத்தார் எஸ்.பி.முத்துராமன்.
அகிம்சை வழி தோற்பதாகவும், ஆயுதம் வெல்வதாகவும் காட்டும் இந்தப் படத்திற்கு காந்தியின் பெயர் வைக்ககூடாது. அதற்கு தடைவிதிக்க வேண்டும் என்று ஒருவர் சென்னை உயர்நீதி மன்றத்தில் வழக்கு தொடர்ந்தார். எஸ்.பி.முத்துராமன் வழக்கை சந்தித்தார். அவர் தரப்பு வாதங்களை எடுத்து வைத்தார். ஆனால் தீர்ப்பு படத்துக்கு எதிராக வந்தது. நான் காந்தி அல்ல டைட்டிலை மாற்றும்படி உத்தவிட்டது. அதன் பிறகு நான் மகான் அல்ல என்று மாற்றப்பட்டது. மகான் என்பது பொதுவான சொல்லாக இருந்தாலும் காந்தியை எல்லோரும் காந்திமகான் என்று சொல்வதால் இந்த டைட்டில் வைக்கப்பட்டது. படமும் வெளிவந்து வெற்றி பெற்றது.