டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
திரையுலகில் டப்பிங் படங்களை வெளியிடுவதற்கென்று எந்த ஒரு வரையறையும் இல்லாமல் போய்விட்டது. 80களுக்குப் பிறகுதான் டப்பிங் படங்களின் தாக்கம் தமிழ்த் திரையுலகத்தில் மிக அதிகமாக மாறியது. சிரஞ்சீவி நடித்து தெலுங்கிலிருந்து தமிழுக்கு டப்பிங் ஆகி வெளிவந்த 'கைதி' திரைப்படம் இங்கு 100 நாட்கள் ஓடிய பிறகே பலரும் டப்பிங் பட வியாபாரத்தில் இறங்கினார்கள். அடுத்து 'இது தான்டா போலீஸ், இதயத்தை திருடாதே, உதயம்' இப்படி சில படங்கள் 80களில் மாபெரும் வெற்றி பெற தமிழ்நாட்டில் டப்பிங் படங்கள், குறிப்பாக தெலுங்கு டப்பிங் படங்கள் கோலோச்ச ஆரம்பித்தன. அது படிப்படியாகக் குறைந்து கடந்த சில வருடங்களாக காணாமல் போயிருந்தது.
கடந்த ஆண்டிலிருந்து தற்போது மீண்டும் அதிகரித்துள்ளது. தெலுங்கில் வெளியாகும் அதே நாளிலேயே அந்தப் படங்களை தமிழில் டப் செய்து வெளியிட்டு வரவேற்பை பெற்றார்கள். அதன் பலனாக தற்போது மீண்டும் டப்பிங் படங்கள் அதிகமாகத் தயாராகி வருகின்றன. வெங்கடேஷ், நயன்தாரா நடித்து தெலுங்கில் விரைவில் வெளியாக உள்ள 'பாபு பங்காரம்' படத்தையும் 'செல்வி' என பெயர் மாற்றி நயன்தாரா படமாக ஆகஸ்ட் 12ம் தேதி வெளியிட உள்ளார்கள்.
நயன்தாராவிற்கு தற்போது தமிழில் தனி மார்க்கெட் உள்ள நிலையில் 'செல்வி' மாதிரியான புதிய படங்கள் வெளிவந்தால் கூடப் பரவாயில்லை. ஆனால், நயன்தாரா தெலுங்கில் ஏழெட்டு வருடங்களுக்கு முன் நடித்து வெளிவந்த படங்கள் டப்பிங் செய்து புதிய படங்களைப் போல இன்று வெளியிடுகிறார்கள். அதில் காமெடி என்னவென்றால் இரண்டிலுமே ரவிதேஜாதான் நாயகன். ஒரு படத்தின் பெயர் 'துபாய் ராணி', இந்தப் படம் 2007ல் 'துபாய் சீனு' என்ற பெயரில் தெலுங்கில் வெளிவந்து வெற்றி பெற்ற படம். இதன் டப்பிங் படமான 'துபாய் ராணி' படத்தைக் கூட இங்கு டிவியில் பலமுறை ஒளிபரப்பிவிட்டார்கள். அடுத்து 'அதிரடி அர்ஜுன்' என்றொரு படம். ஆனால் விளம்பரத்தைப் பார்த்தால் 'அதிரடி அர்ஜுன், அடாவடி அழகி நயன்தாரா' என்றிருக்கிறது. இந்தப் படம் தெலுங்கில் 'ஆஞ்சநேயலு' என்ற பெயரில் 2009ல் வெளிவந்த படம்.
நயன்தாரா, ஜீவா நடித்துள்ள தமிழ்ப் படமான 'திருநாள்' அடுத்த வாரம் வரும் நிலையில் இப்படி நயன்தாராவின் பழைய டப்பிங் படங்கள் அதிரடியாக வெளியாவது ரசிகர்களிடையே ஒரு குழப்பத்தை ஏற்படுத்தும் என்பது மட்டும் உறுதி.