அமெரிக்காவில் பைக் விபத்தில் காயம் அடைந்த அனுஷ்கா பட ஹீரோ | சித்தார்த்-அதிதி ராவ்-க்கு நயன்தாரா வாழ்த்து | துபாய் மியூசியத்தில் தனது மெழுகுசிலையுடன் போஸ் கொடுத்த அல்லு அர்ஜுன் | சீரியல் நடிகை அக்ஷிதாவிற்கு நடந்து முடிந்த நிச்சயதார்த்தம்! | என்ன கமெண்ட் இதெல்லாம்? கடுப்பான ரோபோ சங்கர் மருமகன் | டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி |
தமிழ் சினிமாவில் முன்னணி தயாரிப்பாளர் மற்றும் விநியோகஸ்தராக வலம் வந்தவர் வேந்தர் மூவிஸ் மதன். அடுத்தடுத்து பல பெரிய படங்களை தயாரித்து வந்தவர், திடீரென இரண்டு மாதங்களுக்கு முன்னர் காசிக்கு போகிறேன், கங்கையில் சமாதியாகிறேன் என்று கடிதம் எழுதி வைத்துவிட்டு மாயமானார். மதனை கண்டுபிடித்து தரக்கோரி அவரது தாயார், சென்னை ஐகோர்ட்டில் ஆட்கொணர்வு மனு தாக்கல் செய்திருந்தார். அதேசமயம் மதன் மீது பணமோசடி தொடர்பாக நிறைய புகார்களும் எழுந்தன.
இந்நிலையில், இவ்வழக்கு தொடர்பாக போலீஸாரும் விசாரணை மேற்கொண்டு வருகின்றனர். தொடர்ந்து மதனை தேடும் பணியிலும் ஈடுபட்டு வருகின்றனர். ஏற்கனவே இந்தவழக்கில் சில வாரங்கள் கால அவகாசம் கேட்டிருந்தது போலீஸ். அந்த அவகாசம் முடிந்து வழக்கு இன்று மீண்டும் விசாரணைக்கு வந்தது.
அப்போது நீதிபதியிடம் போலீஸ் தரப்பில், மதனை வழக்கை தீவிரமாக விசாரித்து வருகிறோம். அவர் உயிரோடு தான் இருக்கிறார். கிட்டத்தட்ட அவரை நெருங்கிவிட்டோம். மேலும் ஒருமாதம் அவகாசம் வேண்டும் என்று கூறினர். இதையடுத்து நீதிபதியும், 4 வாரம் காலஅவகாசம் வழங்கினார். அதோடு, இந்த வழக்கை விரைந்து முடிக்க வேண்டும், இனியும் கால அவகாசம் கேட்க கூடாது என்று அறிவுறுத்தினார். இதையடுத்து இந்த வழக்கை ஆகஸ்ட் 17-ம் தேதிக்கு நீதிபதி ஒத்திவைத்தார்.