Dinamalar

மம்முட்டி தந்த ஏமாற்றத்திற்கு ஜெயசூர்யாவின் நிவாரணம்..!

எந்த மொழியாக இருந்தாலும் அங்குள்ள முன்னணி ஹீரோக்கள் போலீஸ் அதிகாரியாக நடிக்கிறார்கள் என்றால் இயல்பாகவே அந்தப்படங்களின் மீது இரு மடங்கு எதிர்பார்ப்பு எழுவது சகஜம்.. அப்படித்தான் மலையாளத்தில் மெகாஸ்டார் மம்முட்டி நடிப்பில் இந்தமாதம் ரம்ஜான் ரிலீசாக வெளியான 'கசபா' படம் மீதும் ரசிகர்கள் எதிர்பார்ப்பு வைத்தனர்.. ஆனால் பக்காவான ஆக்சன் காட்சிகளும், திருப்பங்களும் இல்லாமல் சவசவ என சாதாரண ஒரு போலீஸ் படமாகவே இருந்தது ரசிகர்களை ரொம்பவே ஏமாற்றியது.. இந்த நிலையில் மலையாள போலீஸ் படங்கள் வரிசையில் அடுத்த படமாக வெளியாக இருப்பது 'இன்ஸ்பெக்டர் தாவூத் இப்ராஹீம்'.. சுருக்கமாக சொன்னால் ஐ.டி.ஐ.

இந்தப்படத்தில் ஜெயசூர்யா போலீஸ் அதிகாரியாக நடித்துள்ளார்.. அவருக்கு போலீஸ் வேடம் புதிது அல்ல என்றாலும், ஒரு ஹீரோவாக பக்கா ஆக்சன் போலீஸாக நடித்திருப்பது இது தான் முதல்முறை.. சமீபத்தில் வெளியான இந்தப்படத்தின் ட்ரெய்லரை பார்த்து ஜெயசூர்யாவின் திரையுலக நண்பர்களான சக நடிகர்களே, “ஏம்ப்பா நிச்சயமா நீதானா அது..?” என சந்தேக கேள்வி எழுப்பினார்களாம். அந்த அளவுக்கு 'மாஸ்' ரோலில் தான் ஜெயசூர்யா நடித்துள்ளாராம். இந்தப்படத்தை சாஜித் யாஹியா என்கிற அறிமுக இயக்குனர் இயக்கியுள்ளார். எனவே, மம்முட்டியால் ஏற்பட்ட மனக்காயத்திற்கு இந்த படம் களிம்பு பூசும் என்றே தோன்றுகிறது.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ?
• 
  சொத்து மதிப்பை வெளியிட்ட பவன் கல்யாண்
• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்