இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
வீரசேகரன் படத்தின் மூலம் தமிழ் சினிமாவில் அறிமுகமானவர் மலையாளத்தை சேர்ந்த அமலாபால். விக்ரம் நடிப்பில் இயக்குநர் விஜய் இயக்கிய படம் ‛தெய்வத்திருமகள். அந்த படத்தில் அனுஷ்கா, அமலாபால் இருவரும் நாயகிகளாக நடித்திருந்தனர். அந்த படத்தை இயக்கி வந்த நேரத்தில் டைரக்டர் விஜய், அமலாபாலுக்கிடையே காதல் உருவானது. அதையடுத்து விஜய் நடிப்பில் ஏ.எல்.விஜய் இயக்கிய தலைவா படத்திலும் அமலாபால் நாயகியாக நடித்தார். பெற்றோர் சம்மதத்துடன் ஏ.எல்.விஜய்-அமலாபால் ஆகிய இருவரும் 2014-ல் திருமணம் செய்து கொண்டனர்.
திருமணத்திற்கு பிறகு அமலாபால் நடிக்க வேண்டாம் என்று விஜய் குடும்பத்தில் கூறுகின்றனர். ஆனபோதும், படங்களில் நடிப்பைத் தொடர்ந்து வருகிறார் அமலாபால். சமீபத்தில் அம்மா கணக்கு படத்தில் நடித்தார். தொடர்ந்து தனுஷூடன் வட சென்னை படத்தில் நடிக்கிறார். இது இயக்குநர் விஜய் மற்றும் அவரின் குடும்பத்தார் மத்தியில் அதிருப்தியை ஏற்படுத்தியது.
இந்த நிலையில், டைரக்டர் ஏ.எல்.விஜய்-அமலாபாலுக்கிடையே கருத்து வேறுபாடு ஏற்பட்டிருப்பதாக கடந்த சில தினங்களாக மீடியாக்களில் ஒரு செய்தி காட்டுத்தீயாய் பரவிக்கொண்டிருக்கிறது. இருவரும் விவாகரத்து செய்யப்போவதாகவும் கூறப்பட்டு வந்தது. ஆனால் இந்த செய்தி சம்பந்தமாக டைரக்டர் விஜய், அமலாபால் தரப்பில் இருந்து இதுவரை எந்தவித மறுப்பு செய்தியும் வெளியிடவில்லை, அதேசமயம் உண்மையா என்று விளக்கவில்லை. அதனால் இதுவும் ஒரு வதந்தியாக கூட இருக்கலாம் என்று கருதப்பட்டது.
இந்நிலையில் விஜய் - அமலாபால் இருவரும் விவகாரத்து செய்ய இருப்பது உறுதியாகியிருக்கிறது. இந்த தகவலை இயக்குநர் விஜய்யின் தந்தை ஏ.எல்.அழகப்பன் தனியார் டிவி ஒன்றுக்கு அளித்துள்ள பேட்டியில் கூறியிருக்கிறார். அதில் இருவரும் பரஸ்பரமாக விவாகரத்து செய்ய முடிவெடுத்திருக்கிறார்கள் என்று கூறியிருக்கிறார்.
இதன்மூலம் இயக்குநர் விஜய் - அமலாபால் இடையேயான திருமண உறவு இரண்டு ஆண்டுகளிலேயே முடிவுக்கு வந்திருக்கிறது.