பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் |
தமிழ்த் திரையுலகத்தில் இனி எதிலும் ஒளிவு மறைவு இருக்கப் போவதில்லை. முன்பெல்லாம் ஒரு திரைப்பட விஷயத்தைப் பற்றி எவ்வளவோ துருவித் துருவிக் கேட்டாலும் சம்பந்தப்பட்டவர்கள் எதைப் பற்றியும் வாயைத் திறக்க மாட்டார்கள். ஒரு படம் பற்றிய அனைத்து ரகசியங்களும் காக்கப்பட்டு, ஓரளவிற்கு மட்டுமே மீடியாக்களில் அந்தப் படம் பற்றிய செய்தி வரும். அதன் பின் படத்தைப் பார்க்கும் போதுதான் ரசிகர்களுக்கு அந்தப் படம் பற்றிய அனைத்து அனுபவங்களும் முதல் முறையாகப் பார்க்கும் போது புதுமையாகக் கிடைக்கும்.
ஆனால், இப்போது தொழில்நுட்ப வளர்ச்சியில் ரகசியமாக எடுக்கப்படும் காட்சிகள், தோற்றங்கள், மேக்கப் விவகாரங்கள் மொபைல் போன் மூலம் திருட்டுத் தனமாகவும் படம் பிடிக்கப்பட்டு சமூக வலைத்தளங்களில் பரவி வருகிறது. எந்த ஒரு விஷயத்தையும் யாராலும் காப்பாற்றவே முடியவில்லை. சில படங்களின் காட்சிகள், பாடல்கள் மட்டும் திருட்டுத்தனமாக 'லீக்' ஆனது போக சில படங்களும் வெளியீட்டிற்கு முன்னதாகவே இணையங்களிலும் வெளியாகி வருகிறது. அதே போலத்தான் ஒரு படம் எவ்வளவு வியாபாரம் செய்யப்பட்டது, எவ்வளவு வசூலானது என்பது குறித்து ரசிகர்கள் அதிகமாகக் கவலைப்பட்டதில்லை. அந்தப் படம் வெற்றியா தோல்வியா என்று மட்டுமே பார்த்தார்கள்.
இன்றோ, டீசரை எத்தனை பேர் பார்த்தார்கள், பாடல்களை எத்தனை பேர் டவுன்லோட் செய்தார்கள், என்ன வியாபாரம் ஆனது, எவ்வளவு ரூபாய்க்கு டிக்கெட் விற்றது, முதல் நாள் எவ்வளவு வசூலானது, ஹீரோ என்ன சம்பளம் வாங்கினார், மற்றவர்களுக்கு என்ன சம்பளம், படம் லாபமா ? நஷ்டமா, என அலசி ஆராய்ந்து கொண்டிருக்கிறார்கள்.
இந்த சூழ்நிலையில் சிவகார்த்திகேயன், கீர்த்தி சுரேஷ் மற்றும் பலர் நடிக்கும் 'ரெமோ' படத்தைத் தயாரிக்கும் 24 ஏஎம் ஸ்டுடியோஸ் நிறுவனம் ஆகஸ்ட் 2ம் தேதி முதல் இப்படத்தின் வியாபாரம் ஆரம்பமாக உள்ளது என அதிகாரப்பூர்வமாக அறிவித்துள்ளார்கள். தொடர்பு கொள்ள வேண்டிய தொலை பேசி எண், மெயில் முகவரி ஆகியவற்றுடன் படத்தின் வெளியீட்டுத் தேதியான அக்டோபர் 7ம் தேதியையும் குறிப்பிட்டுள்ளார்கள்.
இப்படி ஒரு அறிவிப்பு பலருக்கு ஆச்சரியத்தையும் சிலருக்கு அதிர்ச்சியையும் கொடுக்கும் என்பது உண்மை.