தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
'சதுரங்க வேட்டை' படத்திற்கு பிறகு ஒளிப்பதிவாளர் நட்டி நடிக்கும் படம் 'போங்கு'. இந்தி மற்றும் தெலுங்கு படங்களில் நடித்து வரும் ருஹி சிங் ஹீரோயினாக அறிமுகமாகிறார். இவர்கள் தவிர அதுல் குல்கர்னி, முனீஷ்காந்த், அர்ஜுன், ஷரத் லோகித்தஷ்வா, மயில்சாமி ஆகியோர் நடிக்கிறார்கள். ஸ்ரீகாந்த் தேவா இசை அமைக்கிறார். பாடல்களை கபிலன், தாமரை, மதன் கார்க்கி எழுதியுள்ளார். மகேஷ் முத்துசாமி ஒளிப்பதிவு செய்கிறார்.
கலை இயக்குனர் சாபுசிரிலிடம் உதவியாளராக இருந்த தாஜ் இயக்குகிறார். படத்தை பற்றி அவர் அளித்த பேட்டி: இது கார் திருடர்களின் கதை. கள்ளச்சாவி போட்டு டப்பா கார்களை திருடும் சாதாரண கார் திருடர்கள் அல்ல. கோடிக் கணக்கில் மதிப்புள்ள உயர்ரக கார்களை திருடுகிறவர்கள். அவர்கள் திருடும் காரைப்போல அவர்கள் வாழ்க்கையும் ரிச்சாக இருக்கும். அவர்கள் திருடர்கள் என்பதை யாராலும் கண்டுபிடிக்க முடியாது. வெவ்வேறு இடத்தில் இருப்பார்கள். உயர் ரக கார் அறிமுகமானால் அதன் டெக்கினிக்கை முதலில் கண்டுபிடிப்பார்கள். பின்னர் பக்காவாக பிளான் பண்ணி திருடுவார்கள். அதை சரியான நெட்ஒர்க்கிடம் ஒப்படைத்து விட்டு பணத்தை வாங்குவார்கள். மறுநாள் சகஜ வாழ்க்கைக்கு வந்துவிடுவார்கள். இப்படிப்பட்ட 4 ஹைடெக் திருடர்கள் பற்றிய கதை. நட்ராஜ், ருஹிசிங், அர்ஜூன், மூனீஷ்காந்த் ஆகியோர்தான் அந்த கார் திருடர்கள்.
படத்தில் ரோல்ஸ் ராய் கார் ஒன்று ஒரு கேரக்டராகவே வரும். இதற்காக இந்தியா முழுவதும் தேடி ஐதராபாத்தில் உள்ள அந்த காரின் பிரமாண்ட ஷோரூமில் படப்பிடிப்பு நடத்தினோம். கிளைமாக்ஸ் காட்சியை வெயில் கெழுத்தும், புழுதி பறக்கும் வெட்டவெளியில் படமாக்கினோம். ஹாலிவுட் தரத்தில் படம் உருவாகி வருகிறது. காமெடி கலந்த ஆக்ஷன் படம். என்கிறார் தாஜ்.