டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
வின்சென்ட் செல்வா இயக்கிய ஜித்தன் படத்தில் அறிமுகமானவர் ரமேஷ். இவர் பிரபல தயாரிப்பாளர் ஆர்.பி.செளத்ரியின் மகன் ஆவார். இவர் நடித்த ஜித்தன் படம் வெற்றி பெறவே அதன்பிறகு பல படங்களில் நடித்தார். ஒருகட்டத்தில் நடித்த படங்கள் எதிர்பார்த்தபடி வெற்றி பெறாததால், தந்தை தயாரித்து வந்த படவேலைகளில் கவனத்தை திருப்பினார் ஜித்தன் ரமேஷ். இருப்பினும் சினிமாவில் நடிகராக வேண்டும் என்ற ஆசையே மனதளவில் இருந்து வந்ததால், மீண்டும் ஒரு முயற்சி எடுத்து பார்ப்போம் என்று ஜித்தன் படத்தின் இரண்டாம் பாகத்தில் நடித்தார். ஆனால் அந்த படம் எதிர்பார்த்தபடி வெற்றிபெறவில்லை.
விளைவு, ஜித்தன்-2வில் நடித்தபோது அவர் கமிட்டாகி நடித்து வந்த இன்னொரு படமும் இப்போது கிடப்பில் போடப்பட்டு விட்டது. இதனால் புதிய படங்களுக்காக காத்திருக்க விரும்பாத ஜித்தன் ரமேஷ், தற்போது தங்களது சூப்பர் குட் பிலிம்ஸ், ஆர்யாவை வைத்து தயாரித்து வரும் கடம்பன் படத்தின் தயாரிப்பு வேலைகளில் முழுவீச்சில் இறங்கி விட்டார். இப்போது யாராவது புதுமுக டைரக்டர்கள் கதை சொல்கிறேன் என்று அவரை தேடிச்சென்றாலும் அந்த கதையை கேட்க அவர் தயாராகவில்லை. மீண்டும் நடிக்கிற மாதிரி இருந்தால் சொல்லி அனுப்புகிறேன் என்று அவர்களை திருப்பி விட்டு வருகிறார்.