Dinamalar

தமிழில் கவனம் செலுத்தும் நிவின்பாலி

என்னதான் மலையாள மொழிப்படங்களில் பிஸியாக நடித்தாலும் தமிழ்ப்படங்களில் நடிக்க வேண்டும் என்ற ஆசை அங்குள்ள ஹீரோக்களுக்கு எப்போதுமே உண்டு. அதன் காரணமாகவே கடந்த காலங்களில் மம்முட்டி, மோகன்லால், ஜெயராம் போன்ற முன்னணி மலையாளப்பட ஹீரோக்கள் தமிழ்ப்படங்களில் நடித்துள்ளனர். இளையதலைமுறை ஹீரோக்களில் பிருத்விராஜ் தமிழ்ப்படங்களில் அவ்வப்போது நடித்து வருகிறார்.

இந்த வரிசையில் இப்போது நிவின்பாலி. 'நேரம்' படத்தின் மூலம் தமிழில் அறிமுகமான நிவின் பாலி அதன் பிறகு மலையாளத்தில் பிசியாகிவிட்டார். தற்போது அவரது நடிப்பில் மற்றுமொரு நேரடி தமிழ் படம் உருவாகிறது. இதில் நிவின் பாலிக்கு ஜோடியாக 'யு டர்ன்' கன்னட பட புகழ் ஷரதா ஸ்ரீநாத் நடிக்கிறார், இயக்குனர்கள் கௌதம் மேனன், மிஷ்கின் ஆகியோரிடம் பணிபுரிந்த கௌதம் ராமச்சந்திரன் இப்படத்தை இயக்குகிறார்.

இப்படத்தில் நிவின் பாலி தவிர மற்றொரு ஹீரோவும் உண்டு! இரண்டாவது ஹீரோவுக்கு ஜோடியாக 'மாயா', 'களம்' உட்பட பல படங்களில் நடித்துள்ள லட்சுமி ப்ரியா நடிக்கிறார். இப்படத்தின் கதை மீனவர்கள் சம்பந்தப்பட்டது என்றும், இதில் லட்சுமி ப்ரியா மீனவ பெண்ணாக நடிக்கிறார் என்றும் தகவல் அடிபடுகிறது! இந்தப் படம் தவிர சிவகார்த்திகேயன் தயாரிக்கும் படத்திலும் நடிக்கிறார் நிவின்பாலி.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்