Dinamalar

சிறிய படங்களுக்கு பப்ளிசிட்டி முக்கியம்! - பட்டதாரி ஆடியோ விழாவில் சிவா பேச்சு

இயக்குனர் மு.களஞ்சியத்தின் உதவியாளர் ஏ.ஆர். சங்கரபாண்டி இயக்கியுள்ள படம் பட்டதாரி. எஸ்.எஸ்.குமரன் இசையமைத்துள்ள இப்படத்தில் அபி சரவணன்- அதிதி ஜோடி சேர்ந்துள்ளனர். இப்படத்தின் ஆடியோ விழா நேற்று சென்னையில் நடைபெற்றது. விழாவில், டைரக்டர்கள் சசி, மு.களஞ்சியம், அம்மா கிரியேசன்ஸ் சிவா, தனஞ்செயன் ஆகியோர் கலந்து கொண்டனர்.

விழாவில் அம்மா கிரியேசன்ஸ் சிவா பேசுகையில்,

படங்களில் சின்ன படம் பெரிய படம் என்பது கிடையாது. அதாவது சசி இயக்கிய பிச்சைக்காரன் வெளிவருவதற்கு முன்பு சின்ன படம். ஆனால் ரிலீசுக்குப்பிறகு அது பெரிய படம். அதேமாதிரிதான் வேலைன்னு வந்துட்டா வெள்ளைக்காரன் படமும் வெளிவருவதற்கு முன்பு சின்ன படம், வெளியே வந்த பிறகு பெரிய படம். ஆக, வெற்றிதான் எது சின்ன படம், பெரிய படம் என்பதை தீர்மானிக்கிறது. அதேமாதிரி இந்த பட்டதாரி படமும் இப்போது சின்ன படமாக இருக்கலாம். ஆனால் வெளியான பிறகு இதுவும் பெரிய படமாகி விடும்.

ஆனால் அதற்கு முன்பு படத்தை எப்படி ப்ரமோட் பண்ண வேண்டும் என்பதை அவர்கள் தெரிந்து கொள்ள வேண்டும். தயாரிப்பாளர் இளங்கோவனுக்கு இது முதல் படம் என்பதால் கண்டிப்பாக நன்றாக யோசித்துதான் தயாரித்திருப்பார். அதேபோல் கதையும் நன்றாகத்தான் இருக்கும். அதில் எந்தவித சந்தேகமும் இல்லை. இந்த படத்தின் இசையமைப்பாளர் எஸ்.எஸ்.குமரன். இவர் இயக்குனர் சசியினால் பூ படத்தில் அடையாளம் காணப்பட்டவர். பின்னர் களவாணி படத்திற்கு இசையமைத்தவர், அதையடுத்து டைரக்சன், தயாரிப்பு என்று சென்று விட்டு இப்போது மீண்டும் இசையமைக்க வந்திருக்கிறார். அதோடு நல்ல பாடல்களையும் கொடுத்திருக்கிறார்.

சமீபகாலமாக தயாரிப்பாளர் சங்கம் சிறிய திரைப்படங்களுக்கு பலவிதமான உதவிகள் செய்து வருகிறது. அதோடு புதிதாக படம் தயாரிப்பவர்கள் படத்தை ப்ரமோட் பண்ண வேண்டும் என்பது போன்ற ஆலோசனைகளை தயாரிப்பாளர் சங்கத்தை அணுகி கேட்டறியலாம். இந்த ஆடியோ விழாவுக்கு இவ்வளவு மீடியாக்களை வரவைத்திருக்கிறீர்கள். ஆனால் அவர்களை இம்ப்ரஸ் பண்ண என்ன செய்திருக்கிறீர்கள்? ஒன்றுமே இல்லை. அதை செய்யாமல் விட்டது தயாரிப்பாளரின் தவறா இல்லை இயக்குனரின் தவறா என்பது தெரியவில்லை. ஆடியோ பங்சன் என்றால் பாடல்களின் விசுவல் காட்ட வேண்டும. அப்போதுதான் பாடல்களுக்கு ஒரு மரியாதை இருக்கும். எந்த படமாக இருந்தாலும் அதை சரியாக ப்ரமோட் பண்ண வேண்டும். அப்போதுதான் ஜெயிக்கும்.

இந்த ஆடியோ விழாவே பெரிதாக ரீச் ஆகியிருக்க வேண்டும். ஆனால் திரையில் போட்டோக்களை மட்டுமே போட்டு ஆடியோவை போட்டது வருத்தப்பட வேண்டிய விசயம். விசுவலும் போட்டிருக்க வேண்டும். இங்கே எனக்கு கிடைத்த அதே பீல்தான் மற்றவர்களுக்கும் கிடைத்திருக்கும். அதனால் இனிமேல் செய்யப்போகும் பப்ளிசிட்டிகளையாவது நல்லபடியாக செய்ய வேண்டும் என்று கேட்டுக்கொள்கிறேன். ப்ரமோஷனுக்கு கொஞ்சம் கஷ்டப்படுங்க கண்டிப்பாக ஜெயிச்சிடலாம். பெரிய படங்களுக்கு நடிகர்களை வைத்து ஓப்பனிங் இருக்கும். ஆனால இந்த மாதிரி சின்ன படங்களுக்கு பப்ளிசிட்டிதான் ரீச். அதை செய்யாமல் இரண்டு நாளில் தியேட்டரில் இருந்து படத்தை எடுத்து விடுகிறார்கள் என்று சொல்வதில் எந்த அர்த்தமும் இல்லை. அதனால் இனிமேல் நல்லடியாக விளம்பரம் செய்து பட்டதாரியை வெற்றிப்படமாக்க வேண்டுமாறு கேட்டுக்கொள்கிறேன் என்றார்.

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...

• 
  பவன் கல்யாண் எத்தனை கார்கள் வைத்திருக்கிறார் தெரியுமா ?
• 
  இயக்குனர் சேரனின் மூத்த மகளுக்கு திருமணம்
• 
  மே 1ம் தேதி முதல் மாற்றம் : ராகவா லாரன்ஸ்
• 
  அருண் விஜய் நடிக்கும் ரெட்ட தல
• 
  பாடலாசிரியரும் உரிமை கோரினால் என்னவாகும் - இளையராஜா தரப்புக்கு ...