ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
மலையாள நகைச்சுவை நடிகர் சுராஜ் வெஞ்சாரமூட். நான்ஸ்டாப் காமெடிக்கு சொந்தக்காரரான சுராஜின் இன்னொரு முகத்தை காட்டிய படம் தான் 'பேரறியாதவர்'. இந்தப்படத்தில் குணச்சித்திர வேடத்தில் மிகச்சிறந்த நடிப்பை வெளிப்படுத்தியதற்காக கடந்த 2013க்கான சிறந்த நடிகருக்கான தேசிய விருதை பெற்றார். ஆனால் துரதிர்ஷ்டவசமாக இன்னும் அந்தப்படம் தியேட்டர்களில் ரிலீசாகாமலேயே பெட்டிக்குள் முடங்கி கிடக்கிறது.. பிவிஆர் க்ரூப்ஸ் நிறுவனம் இந்த படத்தை கௌரவப்படுத்தும் விதமாக கடந்த வருடம் ஜனவரி மாதம் சிறப்பு காட்சி நடத்தியதோடு சரி..
அதன்பின் தற்போது வரை ரிலீசுக்கான அறிகுறி எதுவும் இல்லை. அதற்கு ஒவ்வொருவரும் ஒவ்வொரு காரணங்களை சொல்கிறார்கள்.. ஆனால் இந்தப்படத்தை இயக்கிய டாக்டர் பைஜூ, தனது அடுத்த படமான 'வலிய சிறகுள்ள பட்சிகள்' படத்தை எடுத்து முடித்து கடந்த வருடம் ரிலீசும் பண்ணிவிட்டார். இந்தநிலையில் இந்தப்படத்திற்கு இப்போது விமோசனம் பிறந்திருக்கிறது. வரும் ஜூலை இறுதியில், அல்லது ஆகஸ்ட் முதல் வாரத்தில் இந்தப்படத்தை பெரும்பாலான தியேட்டர்களில் வெளியிட முடிவுசெய்து அதற்கான வேலைகளும் துவக்கப்பட்டுள்ளன.. சுராஜின் மாறுபட்ட நடிப்பை காண்பதற்காகவே இந்தப்படத்தின் வெளியீட்டை மலையாள ரசிகர்கள் ஆவலுடன் எதிர்பார்த்து காத்திருக்கின்றனர்.