இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
ஒவ்வொரு இந்திய திரைப்பட கலைஞனுக்கும் ஆஸ்கர் விருது என்பது பெரும் கனவு. அது சில மூத்த கலைஞர்களுக்கு கவுரவாக வழங்கப்பட்டிருக்கிறது. ஏ.ஆர்.ரகுமான் ஒருவர் மட்டும் போட்டியிட்டு விருதை வென்றவர். ஆனால் 47 வருடங்களுக்கு முன்பே ஒரு படம் ஆஸ்கர் விருதுக்கு அனுப்பி வைக்கப்பட்டிருக்கிறது. அது சிவாஜி நடித்த தெய்வமகன். அதை இயக்கியர் நேற்று நம்மை விட்டு பிரிந்த ஏ.சி.திருலோகச்சந்தர். தெய்வமகனுக்கு தேசிய விருது கிடைத்திருக்க வேண்டும். ஆனால் அன்றைக்கு இருந்த அரசியல் சிவாஜிக்கு அந்த விருதை கிடைக்கவிடாமல் செய்தது. அன்றைக்கு மட்டுமல்ல அவர் வாழ்நாள் முழுவதுமே தேசிய விருது கிடைக்காமல் செய்தது அவரின் சொந்த கட்சி.
தெய்வமகன் படத்தில் சிவாஜி அப்பா, இரட்டை மகன்கள் என மூன்று வேடத்தில் நடித்திருப்பார். அதில் ஒன்றில் அவர் அகோர முகத்துடன் நடித்திருப்பதுதான் படத்தின் ஹெலைட். அகோர முகம் கொண்ட சிவாஜிக்கும், அப்பா சிவாஜிக்கும் நடக்கும் உரையாடல் காட்சி இப்போதும் பிரபலம். இதில் அப்பா சிவாஜிக்கு பண்டரிபாய் ஜோடியாகவும், மகன் சிவாஜிக்கு ஜெயலலிதா ஜோடியாகவும் நடித்திருந்தனர். மேஜர் சுந்தர்ராஜன், எம்.என்.நம்பியார். சித்தூர் நாகய்யா முக்கிய கேரக்டரில் நடித்திருந்தனர். ஆரூர்தாஸ் வசனம் எழுதியிருந்தார்.
“தெய்வமே... தெய்வமே...நன்றி சொல்வேன்...” “காதல் மலர் கூட்டம் ஒன்று...”, “காதலிக்க கற்றக் கொள்ளுங்கள்...”, “கேட்டதும் கொடுப்பவனே கிருஷ்ணா கிருஷ்ணா...” போன்ற தேனினும் இனிய பாடல்களை கொடுத்திருந்தார் எம்.எஸ்.விஸ்வநாதன். பெரியண்ணா பிலிம்ஸ் தயாரித்த படத்தை சிவாஜியின் சாந்தி பிலிம்ஸ் 1969ம் ஆண்டு செப்டம்பர் 5ந் தேதி வெளியிட்டது. வெள்ளிவிழா கொண்டாடிய இந்தப் படம் சிவாஜி மற்றும் ஏ.சி.திருலோகச்சந்தரின் டாப் 10 படங்களில் ஒன்று.