முடி சூடா மன்னன் ஆகிறார் விக்ரம் பிரபு - Vikram Prabhus next movie titled as Mudi sooda Mannan

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'முடி சூடா மன்னன்' ஆகிறார் விக்ரம் பிரபு

09 ஜூன், 2016 - 16:23 IST

எழுத்தின் அளவு:

Vikram-Prabhus-next-movie-titled-as-Mudi-sooda-Mannan

ரஜினிகாந்த் நடித்த படங்களின் தலைப்புகளை மீண்டும் புதிய படங்களுக்கு சூட்டி வரும் நிலையில் இப்போது ஜெய்சங்கர் நடித்த ஒரு படத்தின் தலைப்பும் புதிய படம் ஒன்றுக்கு சூட்டப்பட்டுள்ளது.

தனுஷ் நடிப்பில் 'தொடரி' படத்தை தயாரித்து வரும் 'சத்யஜோதி ஃபிலிம்ஸ்' டி.ஜி.தியாகராஜன் விக்ரம் பிரபு, நடிப்பில் ஒரு படத்தை தயாரித்து வருகிறார். இப்படத்தை 'சுந்தரபாண்டியன்', 'இது கதிர்வேலன் காதல்' ஆகிய படங்களை இயக்கிய எஸ்.ஆர்.பிரபாகரன் இயக்குகிறார்.

பெயரிடப்படாமலே படப்பிடிப்பு இப்படத்தின் படப்பிடிப்பு நடைபெற்று வந்தது. இப்படத்திற்கு இப்போது 'முடி சூடா மன்னன்' என்று பெயர் வைத்துள்ளார்கள். 1978-ல் ஜெய்சங்கர், ஸ்ரீதேவி, மனோரமா ஆகியோர் நடிப்பில் விட்டல் இயக்கத்தில் இதே பெயரில் ஒரு படம் வெளியாகியுள்ளது. அந்தப் பெயரை தேடிப்பிடித்து விக்ரம் பிரபு படத்துக்கு தற்போது சூட்டியுள்ளனர்.

தற்போது 'வாகா', 'வீரசிவாஜி' ஆகிய படங்களில் நடித்து வரும் விக்ரம் பிரபு நடிப்பில் மூன்றாவதாக 'முடி சூடா மன்னன்' படம் வெளிவருமாம். இந்தப்படத்திற்கு யுவன் சங்கர் ராஜா இசை அமைக்கிறார். இப்படத்தில் மஞ்சிமா மோகன் கதாநாயகியாக நடிக்கிறார்.

மஞ்சிமா மோகன் தவிர்த்து இன்னொரு ஹீரோயின் கேரக்டரும் இப்படத்தில் உண்டாம். அந்த கதாநாயகிக்கான தேர்வு தற்போது நடந்து வருகிறது. 'தொடரி', 'முடி சூடா மன்னன்' படங்களுடன் வீரம் சிவா இயக்கத்தில் அஜித் நடிக்கும் படமொன்றையும் சத்யஜோதி ஃபிலிம்ஸ் தயாரிக்க இருக்கிறது. சத்யஜோதி பிலிம்ஸ் ஒரே நேரத்தில் மூன்று படங்களைத் தயாரிப்பது படத்துறையில் ஆச்சர்யத்தை ஏற்படுத்தி உள்ளது.

Mudisoodamannan

Vikramprabhu

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய