Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

பண மோசடி செய்யும் அளவுக்கு தரம் தாழ்ந்தவர் அல்ல என் கணவர் : மதனின் முதல் மனைவி கண்ணீர்

02 ஜூன், 2016 - 10:33 IST
எழுத்தின் அளவு:
My-husband-never-make-foregery-says-Madhans-first-wife-and-also-complaint-in-Commissioner-office

தலைமறைவாகி உள்ள, வேந்தர் மூவிஸ் பட அதிபர் மதனை கண்டுபிடித்து தரக்கோரி, அவரது முதல் மனைவி, போலீஸ் கமிஷனரிடம் புகார் அளித்துள்ளார். அத்துடன் பண மோசடி செய்யும் அளவுக்கு மதன் தரம் தாழ்ந்தவர் அல்ல என்று கூறியுள்ளார்.


பிரபல சினிமா பட தயாரிப்பாளரான மற்றும் வினியோகஸ்தருமான, வேந்தர் மூவிஸ் மதன், மே, 28ல், காசியில் சமாதி அடையப் போவதாக, கடிதம் எழுதி வைத்துவிட்டு தலைமறைவானார். அவரை, அவரது நண்பர்கள், உறவினர்கள், காசி உள்ளிட்ட இடங்களில் தேடி வருகின்றனர். ஆனால், அவர் எங்கு இருக்கிறார்; என்ன ஆனார் என தெரியவில்லை. வாரணாசி போலீசாரும் தேடி வருகின்றனர்.


இந்நிலையில், நேற்று முன்தினம், சென்னை போலீஸ் கமிஷனர் அலுவலகத்தில், தலைமறைவான மதனின் இரண்டாவது மனைவி சுமலதா, மதனின் தாய் தங்கம் ஆகியோர் புகார் அளித்தனர். இதற்கிடையில், நேற்று, சென்னை அண்ணா நகரில் வசித்து வரும் மதனின் முதல் மனைவி சிந்து, போலீஸ் கமிஷனர் டி.கே.ராஜேந்திரனிடம் புகார் அளித்தார்.


அதில், அவர் கூறியுள்ளதாவது: அண்ணா நகர் கிழக்கு, நான்காவது அவென்யூவில், கணவர் மதன் மற்றும் மகள் வேதிகா ஆகியோருடன் வசித்து வந்தோம். என் கணவர், சினிமா உலகில் பிரபலமானவர்; பட தயாரிப்பு நிறுவனம் நடத்தி வந்தார். மே, 28, பி.எம்.டபுள்யூ., காரில், அலுவலகம் சென்று வருவதாக கூறிச்சென்ற அவர் வீடு திரும்பவில்லை. அவர் எழுதி வைத்து விட்டு சென்றதாக, கடிதம் ஒன்று சமூக வலைதளங்களில் பரவி வருகிறது.


என் கணவர் சென்ற கார், சென்னை விமான நிலையம், பார்க்கிங் பகுதியில் நிறுத்தி வைக்கப்பட்டு இருப்பதாக அறிகிறேன். எங்கள் உறவினர்கள், நண்பர்கள் வீடுகளில் தேடி பார்த்து விட்டோம். அவர் எங்கு இருக்கிறார்; என்ன ஆனார் என்பதே தெரியவில்லை. அவரை கண்டு பிடித்து தர வேண்டும். இவ்வாறு புகாரில் கூறி உள்ளார்.


நான் தான் முதல் மனைவி!


மதனின் மனைவி சிந்து கூறியதாவது: எங்கள் பூர்வீகம் கேரளா. நான், என் கணவருக்கு சட்டரீதியான முதல் மனைவி. எங்களுக்கு பிளஸ் 1 படிக்கும் மகள் உள்ளார். சுமலதா, என் கணவரின் இரண்டாவது மனைவி. அவருக்கு எல்.கே.ஜி., படிக்கும் மகன் உள்ளார். என் கணவர் பற்றி ஊடகங்களில், வெவ்வேறு மாதிரியான வதந்திகள் பரவி வருவது வேதனை அளிக்கிறது. அவர், பண மோசடி செய்யும் அளவுக்கு தரம் தாழ்ந்தவர் அல்ல. மேலும், அவருக்கு பல மனைவிகள், கல்லூரி மாணவியுடன் சென்று விட்டார் என, பிரச்னையை திசை திருப்ப சிலர் முயற்சிக்கின்றனர். இவ்வாறு அவர் கூறினார்.


Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் மகளையே கேவலப்படுத்துறாங்க : சின்மயி மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in