Dinamalar

200வது நாளன்று 100வது நாள் விழா கொண்டாடிய அனார்கலி..!

இன்றைய சூழலில் படங்கள் வெற்றிகரமாக ஓடி 100வது நாள் விழா கொண்டாடுவதே அறிதாகிவிட்டது.. அதிலும் தமிழ்சினிமாவில் 100 நாட்கள் படங்களை பார்த்தே நீண்ட நாட்களாகிவிட்டது. ஆனால் மலையாள சினிமாவில் அவ்வப்போது சில படங்கள் நூறாவது நாளை தொட்டு சினிமாவை உயிர்ப்புடன் வைத்திருக்க ஊக்கம் கொடுக்கின்றன.. இதில் சுவாரஸ்யம் என்னவென்றால் திலீப் தனது படத்தின் 30வது நாளிலேயே 50வது நாள் போஸ்டரை வெளியிடுகிறார். மம்முட்டி படத்தின் 80 நாளிலேயே நூறாவது நாள் விழா கொண்டாடப்படுகிறது..

இப்படி சில படங்கள் 100வது நாள் எல்லையை தொடும் முன்னரே விழா கொண்டாட, இதில் பிருத்விராஜின் 'அனார்கலி' பட குழுவினர் மிகப்பெரிய வித்தியாசம் காட்டியிருக்கிறார்கள். ஆம் இந்தப்படத்தின் 200வது நாள் அன்று படத்தின் 100வது நாள் விழாவை கொண்டாடி மகிழ்ந்திருக்கிறார்கள். அதற்காக படம் 200 நாட்கள் ஓடியது என நினைக்கவேண்டாம்.. நூறாவது நாள் விழாவை நடத்த முடிவு செய்து அதை செயல்படுத்துவதற்கு அவர்களுக்கு 100 நாட்கள் தேவைப்பட்டுள்ளது என கருத்தில் கொள்வோம்.

கதாசிரியர் சச்சி இயக்குனராக அறிமுகமான இந்தப்படத்தில் பிருத்விராஜின் ஜோடியாக பிரியல் கோர் நடிக்க மற்றும் பிஜூமேனன், மியா ஜார்ஜ், சம்ஸ்க்ருதி ஷெனாய் உள்ளிட்ட பலர் நடித்திருந்தனர்.. முக்கிய வேடத்தில் பால்வுட் நடிகர் கபீர் பேடி நடிக்க, படத்திற்கு வித்யாசாகர் இசையமைத்திருந்தார். கொச்சியில் நடைபெற்ற இந்த 100வது நாள் விழாவில் இயக்குனர்கள் ஜோஷி, ரஞ்சித், லால் ஜோஸ் ஆகியோர் கலந்துகொண்டு படக்குழுவினருக்கு 100வது நாள் நினைவுப்பரிசை வழங்கினார்கள்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...
• 
  ஜன கன மன 2 எப்போது? - இயக்குனர் தகவல்
• 
  25 நாட்களில் 150 கோடி வசூலித்த ஆடுஜீவிதம்
• 
  பிரபல இயக்குனரின் வீட்டில் திருடப்பட்ட நகைகள் ஒரேநாளில் மீட்பு
• 
  'எல்360' படப்பிடிப்பு ஆரம்பம்