சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் |
தமிழக சட்டமன்ற தேர்தல் முடிவு அறிவிக்கப்பட்டதன் தாக்கம் இருக்கும் என்பதால் மே 20 அன்று படங்களை வெளியிட தயக்கம் நிலவியது. மே 20 அன்று வெளியிட திட்டமிடப்பட்டிருந்த இது நம்ம ஆளு உட்பட பல படங்களில் ரிலீஸ் தேதி தள்ளி வைக்கப்பட்டது. ஏற்கனவே வெளியான 24 படம் பல தியேட்டர்களிலிருந்து தூக்கப்பட்டதால், புதிய படங்களுக்காக தியேட்டர்கள் காத்திருந்தன.
இதை பயன்படுத்திக்கொள்ளும்வகையில், 'மருது' 'கத சொல்லப் போறோம்' ஆகிய 2 தமிழ்ப் படங்கள் உட்பட 6 க்கும் மேற்பட்ட படங்கள் களமிறங்கியிருக்கின்றன. குட்டிப்புலி, கொம்பன் படங்களுக்குப் பிறகு முத்தையா இயக்கியிருக்கும் 3 ஆவது படம் 'மருது'. விஷால், ஸ்ரீதிவ்யா, சூரி ஆகியோர் நடிப்பில் உருவாகியிருக்கும் மருது படம் இன்றும் தமிழகத்தில் 150க்கும் அதிகமான திரையரங்குகளில் வெளியாகியிருக்கிறது. மருது படத்துடன் தமிழில் 'கத சொல்லப் போறோம்' என்ற சிறிய பட்ஜெட்டில் தயாரான குழந்தைகளுக்கான படமொன்றும் இன்று ரிலீஸாகிறது.
தெலுங்கு ரசிகர்களால் மிகவும் எதிர்பார்க்கப்படும் மகேஷ்பாபுவின் 'பிரம்மோற்சவம்' படமும் இன்று ரிலீஸாகி இருக்கிறது. மகேஷ்பாபு, சமந்தா, காஜல், பிரணிதா, சத்யராஜ், ரேவதி, சரண்யா பொன்வண்ணன் என தமிழ் நட்சத்திரங்கள் பலரும் இப்படத்தில் நடித்திருக்கிறார்கள். இப்படம் ஆரம்பிக்கப்பட்டபோது தமிழ், தெலுங்கு என ஒரே நேரத்தில் உருவாகவிருப்பதாக அறிவித்தார்கள். ஆனால், என்ன காரணத்தினாலோ 'பிரம்மோற்சவம்' படம் இப்போது தெலுங்கில் மட்டுமே வெளியாகிறது.
துல்கர் சல்மான் நடித்த 'கம்மாட்டிபாடம்' என்ற மலையாள படமும் இன்று வெளியாகிறது. துல்கர் சல்மான் கேரியரில் முக்கிய படமாக எதிர்பார்க்கப்பட்ட படம் இது.
ஆங்கிலப் பட ரசிகர்களின் ஃபேவரைட் மூவியான 'எக்ஸ்மென் : அபோகலிப்ஸ்' ஆகிய படங்களும் இன்று ரிலீஸாகிறது.
அதோடு 'யு டர்ன்' என்ற கன்னட படமும் இன்று வெளியாகிறது. 'லூஸியா' கன்னடப் படத்தின் மூலம் தென்னிந்தியாவில் முக்கிய இயக்குனராக பார்க்கப்படும் பவன்குமாரின் படம் இது.