ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
நாகார்ஜூனா, கார்த்தி, தமன்னா மற்றும் பலர் நடிக்க வம்சி பைடிபள்ளி இயக்கத்தில் மார்ச் 25ம் தேதி தமிழ் மற்றும் தெலுங்கில் வெளியான படம் 'தோழா'. பிரெஞ்சுப் படமான 'தி இன்டச்சபிள்ஸ்' என்ற படத்தை ரீமேக் செய்து இரு மொழிகளிலும் வெளியிட்டார்கள். இரு மொழிகளிலுமே இந்தப் படம் குறிப்பிடத்தக்க வெற்றியைப் பெற்றது. நீண்ட இடைவெளிக்குப் பிறகு தமிழில் நாகார்ஜூனாவும், தெலுங்கில் முதல் முறையாக கார்த்தியும் நடித்தனர்.
படத்தின் நாயகர்களில் ஒருவராக நடித்த நாகார்ஜூனா படம் முழுவதுமே சக்கர நாற்காலியில் இருக்கும்படியான கதாபாத்திரத்தில் நடித்திருந்தாலும் படத்தின் கதை சென்டிமென்ட், காதல், நகைச்சுவை என அனைத்தும் கலந்த கலவையாக இருந்ததால் படம் வெற்றி பெற்றது. கார்த்திக்கு தெலுங்கில் ஒரு நல்ல அறிமுகத்தையும் ஏற்படுத்திக் கொடுத்தது.
இந்தப் படம் தெலுங்கில் 42 கோடி ரூபாயையும், தமிழில் 27 கோடி ரூபாயையும் மற்ற மாநிலங்களில் 15 கோடி ரூபாயையும், மற்ற நாடுகளில் 14 கோடி ரூபாயையும் வசூலித்துள்ளது. அதோடு படத்தின் இரு மொழி சாட்டிலைட் தொலைக்காட்சி உரிமையையும் சேர்த்தால் இந்தப் படம் சுமார் 110 கோடி ரூபாய் அளவிற்கு வசூலித்துள்ளதாக டோலிவுட் வட்டாரங்கள் தெரிவிக்கின்றன.
இரு மொழிகளிலுமே இந்த ஆண்டின் குறிப்பிடத்தக்க வெற்றிப் படமாக இந்தப் படம் அமைந்திருக்கிறது.