Dinamalar

நடிகர் சங்கத்தில் இருந்து விலகினார் சலீம்குமார்..!

உண்மையிலேயே பரபரப்பான செய்திதான் இது.. பின்னே மலையாள திரையுலகின் மூத்த நடிகர்களில் ஒருவரும் தேசிய விருது பெற்றவருமான சலீம் குமார் மலையாள நடிகர்சங்கமான 'அம்மா'வில் இருந்து தானே விலகி இருக்கிறார் என்பது நிச்சயம் அதிர்ச்சியான செய்திதான். இவரது விலகலுக்கு சொந்தக்காரணம் என எதுவும் இல்லாததும் அதேசமயம் நடிகர்கள் அரசியலில் ஈடுபடுவதை சுட்டிக்காட்டித்தான் சங்கத்தில் இருந்து விலகியிருக்கிறார் என்பதும்தான் இங்கே கவனிக்கத்தக்கது..

பொதுவாக மலையாள சினிமாக்காரர்கள் முன்னெல்லாம் அரசியலில் இருந்து வெகு தூரம் ஒதுங்கித்தான் இருந்தார்கள்.. மக்களும் கூட அவர்களை நடிகர் என்கிற நிலையிலேயே இருக்க வைத்தார்கள். ஆனால் போகப்போக ஓரிரு நடிகர்கள் அரசியலில் நுழைந்து பதவிகளையும் பிடித்தார்கள்.. ஆனால் மலையாள நடிகர்சங்கமான 'அம்மா'வின் முக்கிய கொள்கையே நடிகர்கள் அரசியலில் ஈடுபடக்கூடாது என்பதுதான். ஆனால் அதைமீறி கணேஷ்குமார், ஜெகதீஷ் போன்றவர்கள் தேர்தலில் எதிர் எதிராக நின்று போட்டியிடுவதுடன் பிரச்சாரத்தில் ஒருவருக்கொருவர் தங்களது பெர்ஷனல் விஷயங்களை குற்றம் சாட்டி சண்டையிடுவது நடிகர்களுக்கான பெயரையே கெடுப்பதாக சலீம்குமார் நினைக்கிறார்..

அதுமட்டுமல்ல, சங்கத்தின் துணைத்தலைவரான மோகன்லால், எம்.எல்.ஏ வேட்பாளராக போட்டியிடும் தனது நண்பர் கனேஷ்குமாருடன் பிரச்சார மேடையில் முன்பு கலந்துகொண்டதும் சலீம் குமாரை வேதனைப்படுத்தியுள்ளது.. விதிகளை வகுத்தவர்களே விதிகளை மீறுகிறார்களே என்கிற வருத்தத்தில் தான் இப்போது நடிகர்சங்கத்தில் இருந்து விலகும் முடிவை சலீம்குமார் எடுத்துள்ளார் என்று சொல்லப்படுகிறது.. ஆனால் சங்கத்தின் செயலாளர்களில் ஒருவரான இடவேள பாலு என்பவர் சலீம்குமார் சங்கத்தில் இருந்து விலகியது அவரது சொந்த காரணங்களுக்காகத்தான் என கூறியுள்ளார்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் ...
• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...
• 
  பழம்பெரும் மலையாள இசை அமைப்பாளர் கே.ஜி.ஜெயன் காலமானார்