‛கில்லி' ரீ-ரிலீஸ் : த்ரிஷா நெகிழ்ச்சி | சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் |
நடிகர் நாசருக்கு, வேல்ஸ் பல்கலைக்கழகம் டாக்டர் பட்டம் வழங்கி கவுரவித்துள்ளது. தனது 6 வயதில் நாடகங்களில் நடித்து தன் கலையுலக வாழ்கையை துவங்கிய நாசரை 1985 ஆம் ஆண்டு இயக்குனர் K.பாலசந்தர் அவர்கள் “கல்யாண அகதிகள்” என்ற திரைபடத்தில் நடிகராக அறிமுகப்படுத்தினார். தொடர்ந்து கடந்த 30 வருடங்களில் தமிழ், ஆங்கிலம், மலையாளம், தெலுங்கு, கன்னடம் ஆகிய மொழிகளில் 400 க்கும் மேற்பட்ட திரைப்படங்களில் நடித்து தன் கலையுலக பயணத்தை தொடர்கிறார்.
தற்போது நடிகராகவும், தென்னிந்திய நடிகர் சங்கத்தின் தலைவராகவும் உள்ளார். இந்நிலையில், கலைத்துறையில் நாசரின் சேவையை பாராட்டி பிரபல கல்வி நிறுவனமான வேல்ஸ் பல்கலைக்கழகம், டாக்டர் பட்டம் வழங்க முடிவு செய்தது.
அதன்படி சென்னை, பல்லாவரத்தில் உள்ள வேல்ஸ் பல்கலைக்கழக வளாகத்தில் நடந்த பட்டமளிப்பு விழாவில் முன்னாள் சுப்ரீம் கோர்ட் நீதிபதி டாக்டர்.P.S.சவ்ஹான், நடிகர் நாசருக்கு “டாக்டர் பட்டம்” வழங்கி கெளரவித்தார். இந்த விழாவில் வேல்ஸ் பல்கலைகழக நிறுவனர் டாக்டர். ஐசரி கணேஷ் தலைமையேற்றார்.
டாக்டர் பட்டம் பெற்ற பின்னர் செய்தியாளர்களிடம் பேசிய நாசர், டாக்டர் பட்டம் என்பது பெருமையான விஷயம், இந்த டாக்டர் பட்டத்தால் எனக்கான சமூக பொறுப்பு அதிகரித்துள்ளது. அதை திறன்பட செய்வேன் என்றார்.