கார் விபத்தில் மயிரிழையில் உயிர் தப்பிய 'பேமிலி ஸ்டார்' பாடகி | ஆடுஜீவிதம் பட விழாவில் ஏ.ஆர்.ரஹ்மானின் தந்தைக்கு மோகன்லால் புகழாரம் | ஜப்பானில் 'ஆர்ஆர்ஆர்' படத்தின் ஸ்பெஷல் ஸ்கிரீனிங் | 'கல்கி 2898 எடி' தள்ளிப் போனால் 'புஷ்பா 2' தள்ளிப் போகுமா? | போட்டி இல்லாமல் வரும் ஜிவி பிரகாஷின் 'ரெபல்' | நடிகை அருந்ததி நாயர் விபத்தில் படுகாயம் | விமான நிலையத்தில் விஜய்யை பார்க்க படையெடுத்த கேரளத்து ரசிகர்கள் | தவறாமல் ஜனநாயக கடமை ஆற்றுங்கள் : ஜெயம் ரவி | ஜிம்மில் வெறித்தனமான ஒர்க்கவுட்டில் இறங்கிய ரகுல் ப்ரீத் சிங் | டப்பிங் யூனியன் தேர்தலில் மீண்டும் வெற்றி பெற்ற ராதாரவி |
'கபாலி' டீசர் மூலம் இன்று யு டியூப் வீடியோ வலை தளத்தையே கலக்கிக் கொண்டிருக்கும் ரஜினிகாந்த், டிவிட்டரில் இரண்டு வருடங்களுக்கு முன்பு புதிய கணக்கு ஆரம்பித்த போது ஒரு கலக்கு கலக்கினார். சரியாக இரண்டு வருடங்களுக்கு முன்னால் 2014ம் ஆண்டு மே 5ம் தேதிதான் ரஜினிகாந்த் டிவிட்டரில் 'சூப்பர் ஸ்டார் ரஜினி' என்ற பெயரில் கணக்கை ஆரம்பித்தார்.
டிவிட்டர் கணக்கை ஆரம்பித்த ஒரு மணி நேரத்திற்குள்ளேயே 9000 பேர் ரஜினிகாந்தைத் தொடர்ந்ததோடு அந்த கணக்கையும் டிவிட்டர் அதற்குள் உறுதி செய்து கொடுத்தது. 24 மணி நேரத்திற்குள் 2 லட்சத்திற்கும் மேற்பட்டவர்கள் ரஜினிகாந்தைத் தொடர்ந்தனர். இதுவரை ரஜினிகாந்தை டிவிட்டரில் தொடர்பவர்களின் எண்ணிக்கை 29,70,000ஐக் கடந்துள்ளது. 3 மில்லியனைத் தொட இன்னும் 30000 ஃபாலோயர்கள்தான் அவருக்குத் தேவைப்படுகிறது.
இத்தனைக்கும் டிவிட்டரில் கடந்த இரண்டு வருடங்களில் ரஜினிகாந்த் 26 முறை மட்டுமே டிவீட் செய்துள்ளார். இவ்வளவு குறைவான டிவீட்டுகளில் ஒருவரைத் தொடர்பவர்களின் எண்ணிக்கை 3 மில்லியனைத் தொடப் போவது ரஜினிகாந்த் ஒருவருக்கு மட்டுமே நடப்பதாக இருக்கும்.
ரஜினிகாந்த்தின் கடைசி டிவீட் வந்து மூன்று மாதங்களுக்கு மேல் ஆகிவிட்டது. 'கபாலி' டீசரைக் கூட ரஜினிகாந்த் டிவீட் செய்யவில்லை என்பது குறிப்பிடத்தக்கது.