Dinamalar

ஜூன்-3ல் திரைக்கு வரும் 'ஒரு நாள் கூத்து'

இன்றைய சூழலில் எவ்வளவு பெரிய நட்சத்திரங்கள் நடித்த படமாக இருந்தாலும் திட்டமிட்ட தேதியில் படத்தை வெளியிட சாத்தியமற்ற சூழல் நிலவி வருகிறது. விஜய் சேதுபதி நடித்த இறைவி, பாபிசிம்ஹா நடித்த கோ2, சிம்பு நடித்த இது நம்ம ஆளு உட்பட பல பெரிய நடிகர்களின் படங்களையே திட்டமிட்ட தேதியில் வெளியிட முடியவில்லை.

இந்நிலையில், 'ஒரு நாள் கூத்து' படத்தை தயாரித்துள்ள 'கெனன்யா ஃபிலிம்ஸ்' பட நிறுவனம் இப்படத்தை அடுத்த மாதம் (ஜூன்) 3-ஆம் தேதி ரீலிஸ் செய்ய முடிவு செய்துள்ளதாக அறிவித்துள்ளனர். 'ஒரு நாள் கூத்து' திரைப்படத்தை அறிமுக இயக்குநர் நெல்சன் வெங்கடேசன் என்பவர் இயக்கியுள்ளார். 'அட்டகத்தி' தினேஷ்தான் ஹீரோ. மியா ஜார்ஜ் ஹீரோயின். நிவேதா பெதுராஜ், கருணாகரன், ரித்விகா, பாலசரவணன், ரமேஷ் திலக், ராமதாஸ் ஆகியோரும் நடித்துள்ளனர். 'பண்ணையாரும் பத்மினியும்', 'ஆரஞ்சு மிட்டாய்' ஆகிய படங்களுக்கு இசை அமைத்த ஜஸ்டின் பிரபாகரன் இப்படத்துக்கு இசை அமைத்துள்ளார்.

திருமணம் பற்றிய கதை அம்சம் கொண்ட ஒரு நாள் கூத்து படம் சமீபத்தில் சென்சாருக்கு சென்றது. படத்தைப் பார்த்த, சென்சார் அதிகாரிகள் இயக்குநரை பாராட்டியதோடு ஒரு நாள் கூத்து படத்திற்கு 'யு' சான்றிதழும் வழங்கியுள்ளனர். இதனை தொடர்ந்து தான் இப்படத்தை ஜூன் 3-ஆம் தேதி திரைக்கு கொண்டு வருவதற்கான முயற்சியில் இறங்கினாராம் தயாரிப்பாளர்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  விஜய்யைக் காப்பியடிக்கும் விஷால் : ரசிகர்கள் கிண்டல்
• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்