Dinamalar

ஏப்ரல் 29 ரிலீஸ் படங்கள், முதல் நாள் நிலவரம்

2016ம் ஆண்டின் கடைசி வெள்ளிக்கிழமையான நேற்று “மனிதன், களம், சாலையோரம், கண்டேன் காதல் கொண்டேன்,” ஆகிய நான்கு தமிழ்த் திரைப்படங்கள் வெளிவந்தன. கடந்த சில வாரங்களாகவே ஒரு பெரிய திரைப்படமும் மற்ற சிறிய திரைப்படங்களும் என்ற ரீதியில்தான் படங்களின் வெளியீடு அமைந்து வருகிறது.

உதயநிதி ஸ்டாலின், ஹன்சிகா நடித்துள்ள 'மனிதன்' படத்திற்கு எதிர்பார்த்ததை விட நல்ல வரவேற்பு கிடைத்து வருகிறது. குறிப்பாக படத்தைப் பார்த்த விமர்சகர்கள் படத்தைப் பற்றி பாராட்டிதான் எழுதி வருகிறார்கள். இதுவரை விளையாட்டுத்தனமான கதாபாத்திரங்களிலேயே கவனம் செலுத்திய உதயநிதி முதன் முறையாக ஒரு அழுத்தமான கதாபாத்திரத்தில் நடித்துள்ளதாக அனைவருமே பாராட்டுகிறார்கள். ஏ சென்டர்களில் படத்திற்கு நல்ல வரவேற்பும், பி மற்றும் சி சென்டர்களில் குறிப்பிடத்தக்க வரவேற்பும் இருப்பதாக வினியோக வட்டாரங்கள் தெரிவிக்கின்றன. வழக்கமான மசாலாப் படமாக இல்லாமல், குறைந்த பட்ஜெட்டில் படமாக்கப்பட்டிருப்பதாலும் இப்படம் லாபத்தைப் பெற்றுத் தரும் என்ற எதிர்பார்ப்பு எழுந்துள்ளது.

'களம்' படத்தை படமாக்கிய விதத்தில் பாராட்டும்படி கொடுத்துள்ளவர்கள், ஒவ்வொரு காட்சியையும் நீள நீளமாக அமைத்து திரைக்கதையில் தொய்வை ஏற்படுத்திவிட்டார்கள் என்ற விமர்சனமே அதிகம் வந்துள்ளது. பார்த்து சலித்துப் போன பேய்க் கதை என்பது படத்திற்கு மிகப் பெரும் மைனஸ் பாயின்ட்.

மற்ற இரண்டு படங்களும் நாளை வரை தாக்குப் பிடித்தால் அதுவே அந்தப் படங்களுக்குப் பெரிய வெற்றி என்கிறார்கள்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்