தலைமை பொறுப்பு கிரீடம் அல்ல: கமல் பேச்சு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

25 ஏப், 2016 - 09:21 IST

எழுத்தின் அளவு:

Kamalhassan-speech-in-book-launch-function

காந்தியடிகள், அரசியலுக்கு அப்பாற்பட்டவர், என, நடிகர் கமல் ஹாசன் பேசினார். கோவை, சப்னா புக் ஹவுஸ் நிறுவனம் சார்பில், காந்தியின், சத்திய சோதனை புத்தக வெளியீட்டு விழா நேற்று நடந்தது. நிறுவனத்தின் இயக்குனர் நிதின் ஷா தலைமை வகித்தார். நடிகர் கமல் ஹாசன் புத்தகத்தை வெளியிட, பாரதிய வித்யா பவன் சேர்மன் கிருஷ்ணராஜ் வானவராயர் பெற்றுக் கொண்டார்.

விழாவில், நடிகர் கமல் ஹாசன் பேசியதாவது: காந்தி, இந்தியாவின் சின்னமாக திகழ்ந்தவர். அவர் ஒரு தலைவரே கிடையாது; தொண்டர். பதவியை செருப்பாக பயன்படுத்திக் கொள்ள வேண்டும்; கிரீடமாக அல்ல. காந்தியையும், கட்சியையும் ஒன்றாக பார்க்காதீர்கள். அதையெல்லாம் கடந்தவர் அவர். காந்தியின் கணக்கும், பொருளாதாரமும் இப்போது பேசப்பட்டு வருகிறது. காந்தியின் கணக்கு என்பது, பண்டமாற்று தத்துவம் தான். இப்போதுள்ள அரசியல் கட்சிகளுக்கு, காந்தியை பற்றி நினைக்க நேரமில்லை.

ஓட்டு சேகரிக்கவும், பதவியை பிடிக்கவும், அடுத்தவனை வீழ்த்தவும் மட்டுமே இன்று நேரம் இருக்கிறது; அவர் கொள்கைகளை கற்றுத் தர நேரமே இருப்பதில்லை. இன்று, தொடத்தகு நோய் என்று ஒன்றுமே இல்லை; அரசியலையும், மதத்தையும் தவிர. இவ்வாறு நடிகர் கமல் ஹாசன் பேசினார். பின், விமான நிலையத்தில் நிருபர்களிடம் நடிகர் கமல் ஹாசன் கூறுகையில், நடிகர் சங்கம் குறித்தும், தமிழக அரசியல் நிலவரம் குறித்தும் எந்த கருத்தும் கூற விரும்பவில்லை, என்றார்.

விழாவில், கவிஞர் புவியரசு, துார்தர்ஷன் கேந்திரா நிகழ்ச்சி அமைப்பாளர் ஆண்டாள் பிரியதர்ஷினி உட்பட பலர் பங்கேற்றனர்.

kamalhassan

கமல்ஹாசன்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய