Dinamalar

இளையராஜாவைப் புறக்கணித்த மதன் கார்க்கி

வைரமுத்துவின் மகனும் பாடலாசிரியருமான மதன் கார்க்கி 'டூப்பாடூ' என்ற இசை இணையதளத்தை நேற்று தொடங்கினார். தனிப் பாடல்களைப் உருவாக்கியவர்கள் அவர்களுடைய பாடல்களை இந்த இணையதளத்திற்கு அனுப்பினால், அது இணையதளத்தில் இடம் பெறும். புத்தம் புது இசைக் கலைஞர்களைத் தூக்கி நிறுத்தும் இணையதளமாக இது இருக்கும் என்று மதன் கார்க்கி தெரிவித்திருந்தார். அதே சமயம் மூத்த இசைக் கலைஞர்களுக்கான மரியாதையைக் கொடுக்க மதன் கார்க்கி தவறியுள்ளார்.

இந்த இணையதளத்தின் பின்னணியில் நகரும் விதத்தில் அமைக்கப்பட்டுள்ள புகைப்படங்களில் தமிழ்த் திரையிசை உலகில் தனக்கென தனி இடத்தை வைத்துள்ள இளையராஜாவின் புகைப்படம் இல்லாதது அவருடைய ரசிகர்களிடமும், இசை ஆர்வலர்களிடமும் அதிர்ச்சியை ஏற்படுத்தியுள்ளது.

எம்.எஸ்.விஸ்வநாதன், ஏ.ஆர்.ரகுமான், ரகுநந்தன், இமான், சத்யா, அனிருத், சந்தோஷ் நாராயணன் உள்ளிட்ட தமிழ்த் திரைப்பட இசையமைப்பாளர்களில் சிலரின் புகைப்படங்கள் மட்டுமே அதில் இடம் பெற்றுள்ளன. கே.வி.மகாதேவன், இளையராஜா உள்ளிட்ட பல முக்கிய இசையமைப்பாளர்களின் புகைப்படங்கள் அதில் இடம் பெறவில்லை.

இசைக்கான இணையதளம் என்றாலே அதில் இளையராஜா புகைப்படம் கண்டிப்பாக இருக்க வேண்டும் என்றுதான் அனைத்து இசை ரசிகர்களும் எதிர்பார்ப்பார்கள். மதன் கார்க்கியின் அப்பா வைரமுத்துவும், இளையராஜாவின் மகன் யுவன்ஷங்கர் ராஜாவும் இரண்டு படங்களில் இணைந்து பணியாற்றிய பிறகு மதன் கார்க்கி, இன்றைய இளைஞர் போல் இல்லாமல் பழைய பகையை வளர்க்கும் ஒரு பாடலாசிரியாக இருக்கிறாரோ என சில இசை ரசிகர்கள் பேசிக் கொள்கிறார்கள். அந்த இணையதளத்தில் தன் சக போட்டியாளரான தாமரை புகைப்படத்தைத் தவிர மற்ற பாடலாசிரியர்களின் புகைப்படங்களையும் மதன் கார்க்கி கவனமாக தவிர்த்துள்ளார்.

ஒரு பொதுவான இசை இணையதளத்தில் இப்படி ஒரு பாகுபாடு இருக்கலாமா ?

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...