ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
இந்தி சூப்பர் ஸ்டார் அமிதாப்பச்சனுக்கு சிக்கலுக்கு மேல் சிக்கல் உருவாகிக் கொண்டிருக்கிறது. சர்வதே பணம் பதுக்கல் தொடர்பான பனாமா அறிக்கை பட்டியலில் அமிதாப் பச்சன் பெயரும் இடம்பெற்றிருந்தது. இதனை உடனடியாக அமிதாப் பச்சன் மறுத்தார் என்றாலும் அமிதாப் மீது கடும் விமர்சனங்கள் எழுந்துள்ளது. மத்திய அரசு அவருக்கு நோட்டீஸ் அனுப்பி உள்ளது. மராட்டிய மாநில புலிகள் பாதுகாப்பு பிரச்சார தூதர் உள்ளிட்ட அரசு அளித்துள்ள பொறுப்புகளிலிருந்து அவரை நீக்க வேண்டும் என்று காங்கிரஸ் கட்சி வலியுறுத்தி வருகிறது.
இதுகுறித்து அமிதாப்பச்சன் நேற்று வெளியிட்ட அறிக்கை வருமாறு: வருமாவரித்துறையும், அமலாக்க துறையும் எனக்கு நோட்டீஸ் அனுப்பி உள்ளது. அவற்றுக்கு நான் கவனத்துடன் பதிலளித்திருக்கிறேன். நான் சட்டத்தை மதிப்பவன், பனாமா அறிக்கையில் குறிப்பிட்டுள்ள அந்த 4 நிறுவனங்களிலும் நான் இயக்குனராக இல்லை. அந்த 4 நிறுவனங்களுடன் என்னுடைய பெயர் எப்படி இணைக்கப்பட்டது என்பதை அறிய ஆர்வமாக இருக்கிறேன். இந்த விவகாரத்தில் அரசு முழு விசாரணைக்கு உத்தரவிட்டிருப்பது மகிழ்ச்சி அளிக்கிறது. விசாரணைகளுக்கு முழு ஒத்துழைப்பு கொடுப்பேன்.
அரசு எனக்கு கொடுத்துள்ள தூதர் பதவியை பறிக்க வேண்டும் என்று சிலர் வற்புறுத்தி வருவதை அறிவேன். இதில் அரசு என்ன முடிவெடுத்தாலும் புலிகள் பாதுகாப்பு பிரச்சாரம், போலியோ விழிப்புணர்வு, தூய்மை இந்தியா திட்டம், குடும்ப கட்டுப்பாடு திட்டம் உள்ளிட்ட எனது சமூக பணிகளை எனது தனிப்பட்ட திறனுடன் தொடர்ந்து உழைப்பேன். இவ்வாறு அமிதாப் அந்த அறிக்கையில் தெரிவித்திருக்கிறார்.