பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
டார்லிங் படத்தின் மூலம் நடிகராக மாறிய இசையமைப்பாளர் ஜி.வி.பிரகாஷ்குமார் தற்போது பிசி ஹீரோக்களில் ஒருவராகிவிட்டார். ப்ரூஸ் லீ, எனக்கு இன்னொரு பேர் இருக்கு மற்றும் கடவுள் இருக்கான் குமாரு ஆகிய படங்கள் ஜி.வி.பிரகாஷ்குமாரின் நடிப்பில் தற்போது தயாராகி வருகிறது. இதில் எனக்கு இன்னொரு பேர் இருக்கு படத்தின் படப்பிடிப்பு ஏறக்குறைய முடிவடைந்துவிட்டது.
தற்போது டி.சிவா தயாரிப்பில், ராஜேஷ் எம். இயக்கும் கடவுள் இருக்கான் குமாரு படத்தில் கதாநாயகனாக நடித்து வருகிறார் ஜி.வி.பிரகாஷ். இப்படத்தைத் தொடர்ந்து இயக்குநர் பாண்டிராஜ் இயக்கவிருக்கும் கேடிபில்லா கில்லாடி ரங்கா -2 படத்தில் நடிக்க இருக்கிறார். அப்படத்தைத் தொடர்ந்து ஒளிப்பதிவாளர் ராஜீவ் மேனன் இயக்கும் படத்தில் கதாநாயகனாக நடிக்க ஒப்பந்தமாகி இருக்கிறார் ஜி.வி.பிரகாஷ்.
ஒளிப்பதிவாளரான ராஜீவ்மேனன் மின்சார கனவு, கண்டுகொண்டேன் கண்டுகொண்டேன் ஆகிய படங்களை இயக்கினார். அதன் பிறகு விளம்பரப்படம் எடுப்பதில் பிசியாக இருந்த ராஜீவ் மேனன் குரு, கடல், கோச்சடையான் போன்ற படங்களுக்கு ஒளிப்பதிவு செய்தார். தற்போது ஏறக்குறைய 15 வருடங்களுக்குப் பிறகு மீண்டும் இயக்குநராகி இருக்கிறார்.
ஜி.வி.பிரகாஷ்குமாரை வைத்து ராஜீவ்மேனன் இயக்கும் படத்திற்கு ஏ.ஆர்.ரஹ்மான் இசையமைக்க இருக்கிறார் என்று தகவல் அடிபடுகிறது. அதே நேரம் இந்தப் படத்துக்கு ஏ.ஆர்.ரஹ்மான் நிச்சயம் இசையமைக்க மாட்டார் என்றும் சிலர் சொல்கிறார்கள். தமிழ் படங்கள் மட்டுமல்லாது பிறமொழி படங்களிலும் அவர் பிஸியாக இருப்பதாலும், ஏற்கனவே ரஹ்மான், ஜி.வி.பிரகாஷ் குடும்பத்தினர் இடையே சில குடும்ப பிரச்னைகள் இருப்பதாலும் அவர் கண்டிப்பாக இசையமைக்க மாட்டார்கள் என்று கூறுகிறார்கள்.