Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

சிவாஜியை நடிக்க வேண்டாமென்று சொன்ன பாரதிராஜா

03 மார், 2016 - 18:04 IST
எழுத்தின் அளவு:
Bharathiraja-says-Sivajiganesan-not-to-act

பாரதிராஜாவிடம் உதவியாளராகப் பணியாற்றிய பாரதி கிருஷ்ணகுமார் இயக்கியிருக்கும் என்று தணியும் என்ற படத்தின் இசை வெளியீடு சில தினங்களுக்கு முன்பு சென்னையில் நடைபெற்றது. இயக்குனர்கள் பாரதிராஜா, பி.வாசு, நடிகர்கள் ஜெயம் ரவி, சந்தானம் உள்ளிட்ட பலர் கொண்ட இந்த இசை நிகழ்ச்சியில் பாரதிராஜா, சிவாஜிகணேசன் இணைந்த, தமிழ் சினிமாவில் முத்திரை பதித்த படமான முதல் மரியாதை படத்தில் அவர்களுக்கிடையே நடைபெற்ற ஒரு சுவாரசியமான சம்பவத்தைப் பற்றி பலரும் ரசிக்கும் விதத்தில் சுவாரசியமாகச் சொன்னார் இயக்குனர் பாரதி கிருஷ்ணகுமார்.


என்று தணியும் படத்தில் நடிக்கும் நடிகர்கள் யாரும் ஒப்பனை இல்லாமல் நடிக்க, இயற்கை வெளிச்சத்தில் தான் படத்தையும் படமாக்கியிருக்கிறார்களாம். அதைப் பற்றி பேசும் போதுதான் முதல் மரியாதை படத்தின் அந்த சுவாரசிய நிகழ்வும் அவரால் பகிரப்பட்டது.


“ஒப்பனை இல்லை என்று சொன்ன போதும் இந்தப் படத்தில் நடிப்பதற்கு நான்கு பேர் கிடைத்தார்கள். முதல் நாள் படப்பிடிப்பில், லேசாக மேக்கப் பூசிக் கொண்டு வந்தார்கள். அதை அப்போதே கழுவி விட வேண்டும் என்று சொன்னேன், ஒப்புக் கொண்டார்கள். கழுவி விட்டுத்தான் நீ நடிக்க வேண்டும் என்று சொல்ல எனக்கு தைரியம் எங்கிருந்து வந்தால், முதல் மரியாதை படத்தில் நடிக்க வந்த போது, ஒப்பனை அதிகமாக இருக்கிறது என்று சொல்லி சிவாஜிகணேசனின் மேக்கப்பைக் குறைக்கச் சொன்னார் எங்களது டைரக்டர்.


சிவாஜி கொஞ்சம் குறைத்தார், எங்க டைரக்டர் இன்னும் கொஞ்சம் என்றார். அவரும் குறைத்து, இப்போ என்றார், டைரக்டர், இன்னும் என்றார். அவர் மீண்டும் குறைக்க கேமராக வழியாகப் பார்த்து விட்டு இன்னும் கொஞ்சம் என்றார். டவலை வாங்கிய சிவாஜி, அப்படியே முகத்தில் தேய்த்துக் குறைத்துவிட்டு, இப்போ என்றார், டைரக்டர் ஓகே என்றார். அப்புறம் ஷாட் எடுக்க ஆரம்பிச்சதும் சிவாஜிகணேசனைப் பார்த்து திரும்புங்க எனச் சொன்னாராம். சிவாஜி சார் திரும்பிய உடனே டைரக்டர் கட், கட் என்றாராம். சிவாஜி, என்ன ? எனக் கேட்க, நீங்க திரும்பும் போது வலது புருவம் மேல போகுது எனச் சொல்லியிருக்கிறார். போனா என்ன ? என சிவாஜி கேட்க, டைரக்டரோ போகக் கூடாது என்கிறார். புதுசா இருக்கிறவங்களைப் பார்த்தாலே புருவம் மேல போகும், தெரிஞ்சவங்களைப் பார்க்கும் போது ஏன் மேல போகணும் என டைரக்டர் கேட்டிருக்கிறார்.


மீண்டும் ஷாட் எடுக்க, சிவாஜி திரும்பவும் திரும்பினார். மீண்டும் டைரக்டர் கட், எட் எனச் சொல்ல, சிவாஜியோ திரும்பவும் என்னப்பா எனக் கேட்டிருக்கிறார். இப்ப இடது பக்க புருவம் மேல போகுது டைரக்டர் சொல்கிறார். என்ன செய்யச் சொல்ற என சிவாஜி மீண்டும் கேட்க உங்களுக்குத் தெரிஞ்ச ஆள் கூப்புடறாங்க, சாதாரணமா திரும்பிப் பாருங்க, என இயக்குனர் சொல்கிறார். மீண்டும் அந்தக் காட்சி எடுக்கப்பட நான்காவது டேக்ல சிவாஜி சாதாரணமாகத் திரும்பிப் பார்க்க அது ஓகே ஆகிறது.


பின்னர் டைரக்டர் பாரதிராஜாவிடம் வந்த சிவாஜி கணேசன், நடிக்க வேணாம்னு சொல்றியா... எனச் சிரித்துக் கொண்டே கேட்க, இயக்குனரும் சிரித்துக் கொண்டே “ஆமா” எனச் சொல்ல, பதிலுக்கு சிவாஜிகணேசன், “அடப்பாவி, இப்படி எல்லா டைரக்டரும் சொல்லியிருந்தாங்கன்னா, ஆயிரம் படம் நடிச்சிருப்பேனடா” என பலமாகச் சிரித்தாராம் என என்று தணியும் படத்தின் இயக்குனர் பாரதி கிருஷ்ணகுமார் அந்த முதல் மரியாதை படப் பிடிப்பு நிகழ்வை பலத்த கைதட்டல்களுக்கிடையே சொல்லி முடித்தார்.


Advertisement
கொடி'யை முடித்து தோட்டாவை நோக்கிப் பாயும் தனுஷ்கொடி'யை முடித்து தோட்டாவை நோக்கிப் ... 'ஓட்டளிக்க' சூர்யா செய்த 'டப்ஸ்மாஷ்' 'ஓட்டளிக்க' சூர்யா செய்த ...


வாசகர் கருத்து (10)

skv - Bangalore,இந்தியா
10 ஜூலை, 2018 - 04:09 Report Abuse
skv<srinivasankrishnaveni> சிவாஜியின் கம்பீரம் அழகு பாவம் பாத்திரத்துடன் ஒன்றி அதற்காகவே மாறிடுவார் இப்போதும்கூட முதல்மரியாதை கர்ணன் திருவிளையாடல் திருவருட் செல்வர் பதிபக்தி என்று பலப்படங்களை எவ்ளோதாரம் பார்த்தாலும் அலுக்காதுங்க தேவர்மகனிலே அவ்ளோ கேஷுவலா நடிச்சுருப்பார் . சிவாஜி ஐயா படங்கள் போல இப்போது ஏவாளும் யதார்த்தமா நடக்கறதே இல்லீங்க பிரபு ஓகே இப்போது உள்ளவர்களில் விஜய் சேதுபதி படங்கள் நன்னாயிருக்கு நடிகைகள் நா அன்று சாவித்த்திரி பண்டரிபாய் சௌகார் பானுமதி(கீச்கீச்சென்று பெசுவாங்க) ஜெயந்தி என்று நிறையபேர் இருந்தாங்க நாங்கல்லாம் அவாளுக்கு பட்டப்பெறும் வச்சுருந்தோம் .சௌகாருக்கு அழுகுமூஞ்சி பத்மினிக்கு முகபாவம் காரணமா பாவனா (எல்லா பாவமும் அவ்ளோ எளிதாகாட்டுவாரு ஹிந்தி பீல்டுக்குலே அவ்ளோ குண்டு ஹீரோயின் கள் இல்லே தமிழ் லே 2 /3 ஆலு போண்டாக்களேதான் முதல் படத்துலே வர்ரச்ச ஸ்லிம் ஆ இருப்பாங்க ஆனால் ஓய்வுக்குபோறச்ச 5x5 தான் கே ஆர் விஜய அவ்ளோ அழகா இருந்தாங்க படங்கலேயே வளர்ச்சி ப்ரத்யக்ஷம் ஆயிட்டுது.காமெடி ஆக்ட்டிங் மூலம் சௌகார் பண்ணது பிரமாதம் அழுகுமூஞ்சி என்ற பெயரை வாபஸ் வாங்கிண்டோம் அந்தகாலத்துலே எம் கே ராதா ரஞ்சன் கே ஆர் ராமசாமி எம் கே டீ ராஜகுமாரிம்மா படங்கள் காலத்துலேந்து பலரின் வருகை இருந்துது இதுலே பெஸ்ட் சிவாஜி மட்டும்தான் என்பது என் முடிவு , தற்போது வரும் படங்கள் பார்ப்பது இல்லீங்க விஜய் சேதுபதி ஸ்னேகா பிரசன்னா விஜய் ஜெயம் ரவி ன்னு சிலரின் படங்கள் ரசித்துருக்கேன்
Rate this:
Subramanian Sundararaman - Chennai,இந்தியா
10 ஜூலை, 2018 - 03:37 Report Abuse
Subramanian Sundararaman பாரதிராஜா ஒரு ஆணவம் பிடித்த அரைவேக்காடு. இவர் இயக்குனர் பரங்கி மலைதான் . இமயம் எல்லாம் இல்லை. இவர் சிவாஜிக்கு நடிக்க கற்றுக்கொடுத்தாராம் .கோழிக்குஞ்சுக்கு வண்ணம் பூசுவதோடு நிறுத்திக்கொள்ளட்டும் .
Rate this:
முக்கண் மைந்தன் - Mamzar, Dubai,ஐக்கிய அரபு நாடுகள்
09 ஜூலை, 2018 - 14:35 Report Abuse
முக்கண் மைந்தன் Sivaji Sir IS the Cultural Identity of Tamils, world over... (கலாச்சார அடையாளம்...)
Rate this:
kumar.s. - bangalore,இந்தியா
18 ஜூன், 2016 - 18:18 Report Abuse
kumar.s. சிவாஜி எத்தனையோ கதாபாத்திரங்களை எடுத்து நடித்திருந்தாலும் ஒவ்வொரு பத்திரமும் தனித்தனியாகத்தான் தெரியும். இது மற்ற நடிகர்களுக்கும் சிவாஜிக்கும் தனி வேறுபாடு. அவருடைய ஒரு ஸ்டில்லை பார்த்தாலே அது எந்தப்படத்தது என்று சொல்லி விடலாம். சிவாஜி என்ற ஒரு மகான் இனி பிறக்கப்போவதில்லை. அதுமட்டுமில்லை அவர் நடித்த பாத்திரங்களையும் இனி ஒருவர் நடிக்கப்போவதில்லை. இந்தியாவின் நிகரில்லாத சொத்து அவர்.
Rate this:
Sekar - MM Nagar  ( Posted via: Dinamalar Android App )
04 மார், 2016 - 10:44 Report Abuse
Sekar தான் மிகப்பெரிய நடிகராக இருந்தபோதும் இயக்குனர்தான் ஒரு படத்தின் கேப்டன் என்று நடிகர்திலகம் அடிக்கடி கூறுவார். அதுபோலவே எனக்கு எல்லாம் தெரியும் என்று கூறாமல், இயக்குனர் கூறுவதைக் கேட்டு அதன்படி நடித்துக் கொடுத்ததனால்தான் அவர் நடிகர்களின் திலகமானார். இது அவரது தொழில் பக்திக்கு ஒரு சான்று.
Rate this:
மேலும் 5 கருத்துக்கள்...

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Saamy 2
    • சாமி 2
    • நடிகர் : விக்ரம் ,
    • நடிகை : கீர்த்தி சுரேஷ்
    • இயக்குனர் :ஹரி
    Tamil New Film Chekka Chivantha Vaanam
    Tamil New Film 96
    • 96
    • நடிகர் : விஜய் சேதுபதி
    • நடிகை : த்ரிஷா
    • இயக்குனர் :பிரேம்குமார்
    Tamil New Film MGR
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2018 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in