தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
'தெறி' டீசர் ஒரு பக்கம் தமிழ்த் திரைப்பட ரசிகர்களை ஈர்த்துக் கொண்டிருந்ததால், மறு பக்கம் 'அச்சம் என்பது மடமையடா' படத்தின் 'தள்ளிப் போகாதே..' பாடலும் ரசிகர்களை அதிகம் ஈர்த்தது பலராலும் கவனிக்கப் படாமல் போயிருக்கிறது. எங்கு பார்த்தாலும் 'தெறி' பற்றிய பேச்சுத்தான் கொஞ்சம் ஓவராக இருந்தாலும், ஒரு டீசருக்குக் கிடைத்த வரவேற்பு ஒரு பாடலுக்கும் அதற்கு நெருக்கமாகக் கிடைத்திருக்கிறது என்பதை கவனிக்க வேண்டும்.
'தெறி' படத்தின் டீசர் பிப்ரவரி 5ம் தேதி யூ டியூபில் வெளியானது. தற்போது வரை 90 லட்சம் ஹிட்ஸ்களை அந்த டீசர் பெற்றுள்ளது. அதே சமயம் கடந்த மாதம் 16ம் தேதி 'அச்சம் என்பது மடமையடா' படத்தின் சிங்கிள் பாடலான 'தள்ளிப் போகாதே...' டியூபில் வெளியானது. தற்போது வரை இந்த பாடலுக்கு 61 லட்சம் ஹிட்ஸ்கள் கிடைத்துள்ளது.
இப்படிப்பட்ட ஒரு வரவேற்பு இந்த பாடலுக்குக் கிடைத்திருப்பதற்குக் காரணம் என்ன?. ஏ.ஆர்.ரகுமான் இசையா, தாமரையின் வரிகளா, ராப் பாடல் வரிகளை எழுதிய ஏடிகே-வா, பாடலைப் பாடியுள்ள சித் ஸ்ரீராம், அபர்ணா நாராயணன், ஏடிகே ஆகியோரா அல்லது இப்படி ஒரு பாடலை ரகுமானிடம் இருந்து கேட்டுப் பெற்ற கௌதம் மேனனா?. ஆனால், அதற்குள் இந்தப் பாடலின் ஹிட்ஸ்களுக்கு சிம்பு ரசிகர்கள் தங்களது வெற்றி போல ஓவராகக் கொண்டாடிக் கொண்டிருக்கிறார்கள். அவரையும் மீறி, அந்தப் பாடலில் வரும் மஞ்சிமா மோகன் இளைஞர்களின் மனதில் இடம் பிடித்து விட்டார் என்பது அவர்களுக்குத் தெரியாது போலிருக்கிறது. தற்போதைக்கு 'தள்ளிப் போகதே...' பாடலின் வெற்றிக்கு ரகுமான் மட்டுமே காரணம் என்பதை இசை ரசிகர்கள் அனைவரும் ஏற்றுக் கொள்வார்கள்.