கேம் சேஞ்சர் படத்தில் மூன்று வில்லன்கள்? | ஒரே நேரத்தில் பஹத் பாசிலை வைத்து இரண்டு படங்களை தயாரிக்கும் ராஜமவுலி மகன்! | பெண்களால் முடியாதது எதுவுமில்லை! அண்ணா பல்கலை விழாவில் சூர்யா பேச்சு | கேரள ரசிகர்கள் தள்ளுமுள்ளு! விஜய்யின் கார் கண்ணாடி உடைந்தது!! | இறுதிக்கட்டத்தை நெருங்கிய ஜெயம் ரவியின் ஜீனி! | ஆண்ட்ரியாவுக்காக அடம்பிடித்த இயக்குனர் | ரூ.200 கோடி வசூலித்த முதல் மலையாள படம்: மஞ்சும்மேல் பாய்ஸ் சாதனை | ‛உன்னோடு வாழாத வாழ்வென்ன வாழ்வு': 25வது ஆண்டு திருமண வாழ்க்கையை கொண்டாடிய அஜித் - ஷாலினி தம்பதி | பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! |
தமிழ் சினிமாவில் பல சோதனை முயற்சிகளை பல வருடங்களுக்கு முன்பே ஆரம்பித்தவர் கமல்ஹாசன். அவருடைய பல படங்கள் அன்றைய சாதாரண ரசிகர்களுக்குச் சென்று சேரவில்லை என்பதுதான் உண்மை. அந்த வரிசையில் இடம் பெற்ற படங்களில் ஒன்று 'ஹே ராம்'. சுதந்திரப் போராட்டம் நடந்த காலத்தில் நடந்த கதையாக வெளிவந்த இந்தப் படம் வெளிவந்து இன்றுடன் 16 ஆண்டுகள் நிறைவடைகிறது.
ஷாரூக்கான் தமிழில் நடித்த முதல் படம் என்ற பெருமை இந்தப் படத்திற்கு உண்டு. ராணி முகர்ஜி, ஹேமமாலினி, அதுல் குல்கர்னி, கிரிஷ் கர்னார்ட், நஸ்ருதீன் ஷா, நாசர், வசுந்தரா தாஸ் என இந்தியத் திரையுலகில் குறிப்பிடத்தக்க பல சிறந்த நட்சத்திரங்கள் நடித்த படம் இது.
கமல்ஹாசன் எழுதி இயக்கி நாயகனாக நடித்த இந்தப் படத்தின் திரைக்கதைதான் பலரையும் குழப்பிவிட்டது. இன்றும் இந்தப் படத்தைப் பார்ப்பவர்களுக்கு சரியாகப் புரியுமா என்பது சந்தேகம்தான். ஆனாலும், கதை சொல்லலிலும், திரைக்கதை அமைப்பிலும் மிகப் பெரும் வித்தியாசத்தை ஏற்படுத்திய படம் இது. அப்படிப்பட்ட படம் இந்தக் காலத்தில் வந்திருந்தால் மிகப் பெரிய வெற்றியை பெற்றிருந்தாலும் பெற்றிருக்கும். ஆனால், 16 வருடங்களுக்கு முன்பே வந்ததுதான் தவறாக இருக்கலாம்.
இளையராஜாவின் பின்னணி இசையும், பாடல்களும் நம்மை வேறு உலகத்திற்கே அழைத்துச் சென்ற படம்.
கமல்ஹாசன் ஒரு சகல கலா வல்லவன் என்பதை மீண்டும் நிரூபித்ததில் இந்தப் படத்திற்கு பெரிய பங்கு உண்டு.