தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
விதவிதமான பேய்கள்தான் இப்போது கோலிவுட் ஸ்டைல். 13ம் பக்கம் பார்க்க என்ற படத்தை இயக்கிய இயக்குனர் புகழ்மணி என்பவர் கொஞ்சம் வித்தியாசமாக யோசித்திருக்கிறார். அது, ஹீரோவை 13 பேய்கள் கூட்டணி அமைத்து தாக்குகிறதாம். படத்தின் பெயர் வெள்ளிக்கிழமை 13ந் தேதி. ஏதாவது ஒரு மாதத்தில் 13ந் தேதி வெள்ளிக்கிழமையில் வருமாம். அது பேய்களுக்கு விசேஷமான நாளாம். பேய் தோஷம் (இது என்னய்யா புதுசா இருக்கு) பிடித்த ஹீரோவுக்கு 13ந் தேதி வெள்ளிக்கிழமை திருமணம் செய்ய முடிவு செய்கிறார்கள். பேய்கள் தாக்காமல் இருக்க பல சித்து வேலைகளைச் செய்து வைத்து விட்டு மணமேடையில் உட்காருகிறார் மாப்பிள்ளை. எல்லாவற்றையும் தாண்டி மணமகளாக வந்து உட்காருகிறது பேய். அதன் பிறகு என்ன நடக்கும் பேய்களின் கதகளி ஆட்டம்தான்.
கோவிந்த் ஸ்டூடியோ சார்பில் விக்ரம் குமார் தயாரிக்கும் இந்தப் படத்தில் ரத்தன் மவுலி, தெலுங்கு நடிகை ஸ்ராவியா, சுஜாகுமர், ராம்ஜி, சித்ரா லட்சுமணன், எம்.எஸ்.பாஸ்கார், லிவிங்ஸ்டன், சாம்ஸ், வையாபுரி, ரேகா, நிரோஷா, மதுமிதா நடிக்கிறார்கள். தாஜ்நூர் இசை அமைக்கிறார். கே.எஸ்.செல்வராஜ் ஒளிப்பதிவு செய்கிறார். படத்திற்காக 150 அடி உயர அம்மன் சிலை அமைத்து கிளைமாக்ஸ் காட்சியை படமாக்கி இருக்கிறார்கள். அடுத்த மாதம் மிரட்ட வருகிறது.