'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
தணிக்கையில் யு சான்றிதழ் கிடைத்தால்தான் வரிவிலக்கு சலுகை வாங்க முடியும். எனவே யுஏ சான்றிதழ் கொடுத்தால் கூட தயாரிப்பாளர்கள் தயங்கும் சூழல் நிலவிவருகிறது. இந்நிலையில் தனது 'எடாகி என்டர்டெயின்மென்ட்' நிறுவனம் சார்பில் நடிகர் சித்தார்த் முதன் முதலாக தயாரித்துள்ள 'ஜில் ஜங் ஜக்' படத்துக்கு யுஏ சான்றிதழ் வழங்கப்பட்டுள்ளது. மற்றவர்களைப்போல் வருத்தப்பட்டு பாரம் சுமக்காமல், ''ரொம்ப சந்தோஷம், சுத்தமான, அமைதியான, தெய்வீகமான 'U/A' கிடைத்ததற்கு நன்றி'' என்று ட்விட்டரில் குறிப்பிட்டுள்ளார் சித்தார்த்.
நாளை வெளியாகவிருக்கும் இப்படத்தை குறும்பட இயக்குனர் தீரஜ் வைத்தி என்பவர் எழுதி, இயக்கியிருக்கிறார். இப்படத்தில் சித்தார்த்துடன் ராதாரவி, அவினாஷ், ரகுதேவன், சனந்த், ஆர்.மகேந்திரன், எம்.ஜி.சாய் தீனா, கே.பகவதி பெருமாள், நாகா, பிபின், ஷரத், ஆர்.எஸ்.சிவாஜி, விஜய்முத்து, பிரவீன், ஜாஸ்மின் பாஸின் ஆகியோர் நடித்துள்ளனர்.
'கதாநாயகி இல்லாமல் மூன்று இளைஞர்களை சுற்றிச் சுழலும் வித்தியாசமான ஒரு கதை அமைப்பைக் கொண்டது இப்படம். எனவே இப்படத்திற்கு சென்சாரில் 'யு' சான்றிதழ் கிடைக்கும் என்று எதிர்பார்த்தனர். ஆனால் 'யு/ஏ' சர்டிஃபிகேட் வழங்கியிருக்கிறார்கள். 'ஜில் ஜங் ஜக்' படத்தில் இடம்பெறும் ஷூட் த கிழி என்ற பாடல் ஆபாசமான பாடலைப்போன்ற தோற்றம் ஏற்படுத்துவதால் யுஏ கொடுக்கப்பட்டதாக தணிக்கை அதிகாரிகள் தெரிவித்ததாக தகவல் அடிபடுகிறது.