ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
2008ம் ஆண்டு தெலுங்கில் வெளியான படம் கிருஷ்ணார்ஜுனா. நாகார்ஜுனா, மஞ்சு விஷ்ணு (மோகன்பாபு மகன்), மம்தா மோகன்தாஸ், மோகன்பாபு நடித்திருந்த இந்தப் படத்தை பி.வாசு இயக்கினார். மோகன்பாபு தயாரித்திருந்தார், மரகத மணி இசை அமைத்திருந்தார், ஓம் பிரகாஷ் ஒளிப்பதிவு செய்திருந்தார். நாசர், நெப்போலியன், மனோரமாவுடன் பி.வாசுவும் நடித்திருந்தார். காமெடி ஆக்ஷன் படம்.
மனநலம் குன்றிய பெண் ஒருத்தி கிருஷ்ணன் கோவில் கருவரையில் ஒரு ஆண் குழந்தையை பெற்றெடுக்கிறாள். இதனால் கருவரை தீட்டுப்பட்டுவிட்டதாக கூறி ஊர் மக்கள் கோவிலை மூடிவிடுகிறார்கள். குழந்தையை மனோரமா தத்தெடுத்து வளர்க்கிறார். அவன் வளர்ந்து ஆளானதும் கோடீஸ்வரர் நாசரின் மகள் மம்தாவிற்கு மெய் காப்பாளராகிறார். “மம்தாவுக்கு திருமணம் நடந்தால் கணவர் இறந்து விடுவார். அவருக்கு 2வது திருணம்தான் நிலைக்கும் என்று ஜோதிடம் கூறுவதால் பெயருக்கு ஒருவரை மம்தாவுக்கு திருமணம் செய்து வைத்து பிறகு அவரை கொன்று விட்டு இரண்டாவதாக கோடீஸ்வர மாப்பிள்ளையை கட்டிவைக்க திட்டமிடுகிறார் நாசர். மகளின் மெய்காப்பாளரான விஷ்ணுவையே திருமணம் செய்து வைத்துவிட்டு கொல்ல நினைக்கிறார். அவரைக்காப்பாற்ற கிருஷ்ணன் (நாகார்ஜுனா) வருகிறார். இப்படியொரு ஜாலியான கதை.
இந்தப் படத்தை ரவுடி மாப்ளே என்ற தலைப்பில் தமிழில் டப் செய்து வெளியிடுகிறார்கள். இ.எம்.எஸ்.ராஜா தமிழ் வசனங்கள், பாடல்களை எழுதுகிறார். சிவம் அசோசியேட்ஸ், மீடியா ஆர்ட்ஸ் நிறுவனங்கள் வெளியிடுகிறது.