Dinamalar

கும்கி -2 படத்துக்கு அனுமதி கொடுப்பாரா லிங்குசாமி?

லிங்குசாமியின் 'திருப்பதி பிரதர்ஸ்' நிறுவனம் தயாரிப்பில், பிரபு சாலமன் இயக்கத்தில் கடந்த 2012 -ல் வெளியான படம் கும்கி. சிவாஜியின் பேரனான விக்ரம் பிரபு கதாநாயகனாக அறிமுகமான இந்தப் படத்தில்தான் லட்சுமி மேனன் கதாநாயகியாக அறிமுகமானார். இப்படத்தின் வெற்றிக்கு டி.இமானின் இசை மிகப்பெரிய காரணமாக அமைந்தது. அந்தளவுக்கு அனைத்துப் பாடல்களையும் அற்புதமாக உருவாக்கி இருந்தார் இமான்.

தற்போது இரண்டாம் பாகம் எடுக்கும் சீசன். எனவே, தான் இயக்கிய வெற்றிப்படமான 'கும்கி'யின் இரண்டாம் பாகத்தை இயக்க இப்போது முடிவு செய்துள்ளார் இயக்குநர் பிரபு சாலமன். நடிகர், நடிகைகள், தயாரிப்பு நிறுவனம் முதலான விஷயங்களை அவர் இன்னும் முடிவு செய்யவில்லை. தனுஷ், கீர்த்தி சுரேஷ் நடிப்பில், மிரட்டு படத்தை இயக்கியுள்ள பிரபு சாலமன் அப்படத்தின் போஸ்ட புரொடக்ஷன் வேலைகளில் தற்போது பிசியாக இருக்கிறார்.

அந்தப் படத்தின் வெளியீட்டுக்கு பிறகு கும்கி-2 படத்தின் வேலைகளை துவங்க திட்டமிட்டிருக்கிறார். இதற்கிடையில், கும்கி - 2 படத்தை வேறு தயாரிப்பாளருக்கு பிரபு சாலமன் இயக்குவதாக இருந்தால், கும்பி படத்தை தயாரித்த லிங்குசாமி கும்கி என்ற தலைப்பை பயன்படுத்த அனுமதி தருவாரா என்ற கேள்வி தற்போது எழுந்துள்ளது.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'அரண்மனை 4' வெளியீடு தள்ளிவைப்பு
• 
  600க்கும் அதிகமான தியேட்டர்களில் 'கில்லி' ரீ-ரிலீஸ்
• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'