மகளிர் போலீஸ் ஸ்டேஷனில் சிக்கிய மலையாள நடிகர்..!

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

09 பிப், 2016 - 14:08 IST

எழுத்தின் அளவு:

Malayalam-actor-caught-in-women-police-station

மலையாளத்தில் இளம் முன்னணி நடிகர் ஆசிப் அலிக்கு இந்த வருடத்திய முதல் ரிலீஸாக விரைவில் வெளிவர இருக்கும் படம் தான் இது தாண்டா போலீஸ்'. முதலில் இந்தப்படத்திற்கு 'தி காப் இன் ட்ரைவர் ஆன் டூட்டி' (The cop in Driver on Duty) என ஆங்கிலத்தில் முழு நீளத்திற்கு பெயர் வைத்திருந்தார்கள். அப்புறம் என்ன நினைத்தார்களோ தெரியவில்லை, சமீபத்தில் மகேஷ்பாபுவின் டப்பிங் படம் ஒன்றுக்கு 'இது தாண்டா போலீஸ் என பெயர் வைத்ததை பார்த்து, தற்போது தங்களது படத்திற்கும் அதே பெயரையே வைத்துவிட்டார்கள். இந்தப்படத்தில் கண்டிப்பும் கறாருமான போலீஸ் அதிகாரியாக நடித்திருக்கிறார் சீனியர் நடிகை அபிராமி.

இதற்காக சுரேஷ்கோபி, மம்முட்டி ஆகியோர் போலீஸ் வேடங்களில் நடித்த படங்களை டிவிடியில் போட்டுப்பார்த்து தனது கேரக்டரை இம்ப்ரூவ் செய்திருக்கிறாராம் அபிராமி..

இவர் தலைமையிலான மகளிர் ஸ்டேஷனில் தான் ஆசிப் அலி ஜீப் ட்ரைவராக நடித்திருக்கிறார். அந்த ஸ்டேஷனில் உள்ள மொத்த பெண் போலீஸாரிடமும் ஒரே ஆண் போலீசான ஆசிப் அலி மாட்டிக்கொண்டு தவிப்பதை காமெடி ப்ளஸ் மைல்டான ஆக்சன் கலந்து சொல்லியிருக்கிறார்களாம். படத்தில் ஆசிப் அலிக்கு ஜோடியாக ஜனனி ஐயர் நடிக்கிறார். மனோஜ் பலோடன் என்பவர் படத்தை இயக்கியுள்ளார். படத்தின் ட்ரெய்லரை பார்க்கும்போது அபிராமிக்காகத்தான் இந்தப்பெயரை டைட்டிலாக வைத்திருப்பார்களோ என்றே நினைக்க தோன்றுகிறது.

Asifali

JananiIyer

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

ஹாக்கி விளையாட்டு வீரர் ஆனார் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய